Kompania Meta bëri të ditur se përdoruesit e rrjetit social Facebook mund të krijojnë deri në katër profile shtesë, dhe përdoruesi nuk do të duhet të del nga profili për të kaluar mes tyre. Kjo veçori ka qenë në testim që nga qershori i vitit të kaluar.
Meta sugjeron krijimin e një profili për jetën private, për punën, si dhe për interesa apo komunitete specifike që përdoruesi do të preferonte t’i ndante nga profili privat apo kryesor, shkruan Katror.info
“Pavarësisht nëse jeni i ri në Facebook ose një përdorues për një kohë të gjatë, mund të dëshironi të ndani marrëdhëniet tuaja personale dhe profesionale, ose të përdorni një profil në lidhje me komunitetin ku i përkisni dhe një profil tjetër vetëm për miqtë. Krijimi i shumë profileve personale ju lejon të organizoni më lehtë se me kë dëshironi të ndani përmbajtje dhe çfarë përmbajtje dëshironi shihni në pjesë të ndryshme të jetës suaj”, njoftoi Meta.
Çdo profil do të ketë burimin e tij unik me përmbajtje përkatëse, bazuar vetëm në interesat e atij profili.
“Ju mund të keni një profil për skenën e ushqimit që ju pëlqen dhe një tjetër për të ndjekur miqtë dhe familjen,” shtoi kompania.
Meta thotë se suksesi i Instagramit me një funksion të ngjashëm ishte frymëzimi për këtë lëvizje, ndërsa testimi beta tregoi se shumë përdoruesve të Facebook pëlqejnë të kenë një organizim më të qartë të miqve, grupeve dhe interesave.
Çdo profil i ri do të fillojë me cilësimet e paracaktuara të privatësisë dhe njoftimeve të Facebook, por përdoruesit do të mund të bëjnë manualisht ndryshime në secilin. Gjithashtu, profili kryesor në Facebook nuk do të zbulojë se përdoruesi ka profile shtesë.
Nga ana tjetër, me veçorinë vijnë disa kufizime. Opsionet e takimit, tregu, mënyra profesionale dhe pagesa e Facebook nuk do të jenë të disponueshme fillimisht për profilet dytësore, ndërsa opsioni i mesazheve për ta do të jetë i disponueshëm vetëm në aplikacionin Facebook dhe në ueb. Mbështetja për profile shtesë do të vijë në muajt e ardhshëm.
Duhet të theksohet se vetëm përdoruesit e rritur mund të krijojnë profile të reja.
Funksioni i ri tashmë po arrin gradualisht tek përdoruesit në mbarë botën./Katror.info