Nëse je prej njerëzve që ka qejf me ekperimentu n’kuzhinë, por edhe me provu receta t’vendeve t’ndryshme – ke hy n’artikullin e duhur. Për ma tepër, disa fakte interesante dëshmojnë që ndër kuizinat ma t’shnetshme dhe t’shijshme asht ajo meksikane. Andaj edhe ne ta kemi përgatitë artikullin me e recetën meksikane t’fajitave me karkaleca dhe perime t’cilën DUHESH me e provu..
E mbushun plot shije prej karkalecave, perimeve, por edhe erëzave, peta e tortillës me pak salcë kosi e pak sos pikant asht krejt çka t’duhet për mos me u mendu 2 herë e me i përvëjelë mangët për me e përgatitë këtë specialitet. Edhe s’ka kushedi çfarë filozofie, veç ama ka pak marifet. E këtë ma s’miri e sheh ma poshtë vet.
PËRBËRËSIT PËR MIKSIN MEKSIKAN:
2 lugë çaji biber i kuq pikant
1 lugë çaji kurkumë (Cumin powder)
1 lugë çaji biber i kuq i ambël
1 lugë çaji sheqer
1/2 lugë çaji hudhër pluhun
1/2 lugë çaji qepë pluhun
1/4 lugë çaji biber i zi
1 lugë çaji kripë
PËRBËRËSIT PËR MARINADËN:
1 kg karkaleca (t’pastruar)
1/4 tufë magdanoz (i grirë)
1/4 gotë lang limete
Mundesh me e lexu edhe…
PËRBËRËSIT PËR PERIMET (FAJITA-T):
2 lugë gjelle vaj ullini
1 spec i kuq paprika (i prerë n’fije)
1 spec i verdhë paprika (i prerë n’fije)
1 spec i gjelbërt paprika (i prerë n’fije)
1 qepë e kuqe (e prerë n’fije)
6-8 petë tortille
HAPI 1:
N’nji enë shto t’gjitha erëzat dhe sigurohu që janë përzi mirë.
HAPI 2:
Pasi t’i kesh pastru mirë karkalecat, shtoji n’qese frizi dhe brenda qeses shto edhe miksin me erëza meksikane bashk me langun e limetës dhe magdanozin e grirë. Mbylle qesën, vendose n’frigorifer për 30 minuta me u marinu mirë.
HAPI 3:
Nxeje tiganin mirë, shto vajin, merr karkalecat e marinum’ dhe vendosi n’tigan. Fërgoji n’2 anët nga 4 minuta dhe largo prej tiganit.
HAPI 4:
N’tiganin ku janë gërgu karkalecat shto perimet e prera dhe kavërdisi për 8-10 minuta. N’ndërkohë nxeji petët e tortillave apo fajitave n’furrë ose n’mikrovalë për 2 minuta. Përziji perimet me karkaleca mirë dhe shto pak lang t’freskët limeteje ose limoni sipër tyre. Poashtu, ne ta rekomandojmë me i shtu pak edhe magdanoz t’freskët për ekstra shije. Servo.
REZULTATI:
Për ekstra shije fajita-ve ju shkon edhe pak salcë kosi dhe pak sos pikant, bashk me rriska ose copëza avokadoje dhe oriz meksikan.
Ngjashëm, ti poashtu mundesh me i përgatitë edhe fajita-t vegjetariane (me kërpudha dhe perime), fajita-t me mish pule, apo edhe fajitat me mish viçi dhe perime e me u kënaqë krejt. Biles, nëse veç ke merak me e shoqnu ndonjanën prej tyre edhe me ndonji koktell meksikan, atëherë receta e margarita-s klasike dhe ajo e strawberry margarita-s janë recetat e duhuna për ty. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
