Data 13 ishte me fat për Kosovën. Ishte data 13 Mars 2015 kur Federata e Basketbollit e Kosovës (FBK) u bë anëtarja e 215-të e FIBA-s.
Vite të tëra angazhim dhe punë u finalizuan me sukses, ndërsa gjenerata të tëra kanë punuar për këtë ditë të veçantë për basketbollin e Kosovës, thuhet në një njoftim të FBK-së.
Më 13 Mars 2015, Komiteti Ekzekutiv i FIBA-s me votim unanim pranoi FBK-në në gjirin e saj. Më pas Kosova ishte pranuar edhe në FIBA Evropa.
Mundesh me e lexu edhe…
Basketbollistët/et e Kosovës nga kjo ditë ishin të barabartë me sportistët botërorë, duke realizuar ëndrrën shekullore për të garuar në arenën ndërkombëtare.
Nga pranimi, Kosova me sukses ka organizuar disa ngjarje të rëndësishme evropiane, ndërsa garon me të gjitha grupmoshat në arenën ndërkombëtare, si dhe me Kosovën A, e po ashtu edhe klubet kosovare janë pjesë e garave evropiane, vlerëson FBK.
“FBK do të jetë gjithmonë mirënjohje FIBA-s për pranimin dhe mbështetjen e vazhdueshme që jep për basketbollin e Kosovës.”
Përgatiti:
