Në hyrje të Festivalit të Parë të Panairit të Promovimit të Traditave dhe Kulturës së Mitrovicës, çdo
vizitor ndjehet sikur është kthyer pas në kohë. Tenda të mbushura me artizanate të bukura tradicionale, me veshje kombëtare të qëndisura me kujdes, punime të punuara me dorë dhe aroma e ushqimeve tradicionale përcjellin vizitorët në një përvojë të veçantë.
Organizatorja Valbona Sadiku, që drejton Organizatën CECD- Friends, bëri hapjen e këtij festivali, duke theksuar rëndësinë e kësaj ngjarjeje për Mitrovicën dhe më gjerë.
“Këtë herë jemi mbledhë të gjitha organizatat të cilat merren me kulturë traditë, duke i përfshirë edhe
minatorët e Trepçës, ‘Shqipet e Vogla’ dhe kemi arritë me kriju një festival të parë të Traditës dhe
Kulturës mitrovicase. Në këtë festival, përveç që jemi këtu gjatë shtatë ditëve, i cili edhe planifikohet të
mbahet, do ta kemi edhe pjesën, kandin,ku do të punohet në vek, do të punohet punëdore. Janë
promovu të gjitha artizanatet tradicionale, shumëvjeçare të cilat i kemi mbledhë, secila nga organizatat dhe së bashku i kemi sjellë këtu,” u shpreh ajo.
Mundesh me e lexu edhe…
Mes pjesëmarrësve, ishte edhe Emine Tahiri, nga shoqata Gratë e Minatorëve, një mjeshtre e vjetër që
punon me vek dhe që ruan gjallë teknikën e qëndisjes dhe thurjes tradicionale.
Ajo do të qëndisë përgjatë këtyre ditëve të festivalit në një kënd, ndërsa tregon se në organizatën e saj kanë disa veshje të veçanta të familjes së Isa Boletinit, të trashëguara nga brezi në brez.
“Na i kemi edhe disa eksponate të motrës s Isa Boletinit të Feridës, e kam një jan, një çarçaf dhe dy
jastekë. Me këto punime merren prej kur i kanë qitë minatorët prej pune, po këta i kem trashëgim
prej gjyshes, nanës, të cilat i kemi ruajtë me përkushtim shumë të madh, edhe e dojmë shumë punën.
Kanë vlerë shumë të madhe për mos me hup traditat tona shumë.’’
Festivali u mbështet nga Komuna e Mitrovicës dhe Drejtoria e Kulturës, Rinisë dhe Sportit, duke treguar përkushtimin institucional për ruajtjen e traditave.
Fahri Jashari, drejtor për Kulturë, Rini, Sport në Komunën e Mitrovicës u shpreh se festivali është një
rast i mirë i promovimit të traditës së zonës së Mitrovicës.
Fahri Jashari – drejtorIA E KulturëS, RiniSË DHE SpORTIT në Komunën e Mitrovicës
“’Është një projekt shumë i rëndësishëm, organizimi i festivalit të ushqimit me produkte dhe veshje
tradicionale, në veçanti të ndërmarrësve ose grave të vyera të Komunës së Mitrovicës. E veçanta e
kësaj që marrin pjesë gra jo vetëm nga qyteti i Mitrovicës, po edhe nga rrethina e Mitrovicës, të cilët
sot kanë ardhë me i promovu produktet, ushqime dhe veshje tradicionale të zonave ku ato jetojnë,’’ tha Jashari.
Ky festival financohet 100% në shumën totale të projektit nga subvencionohet përmes thirrjeve publike të Drejtori për Kultur, Rini dhe sipas tij kjo ngjarje që do të forcohet edhe më shumë në vitet e ardhshme ka për qëllim përforëcimin e grave ndërmarrëse.
“Ne po synojmë që këtë festival ta bëjmë tradicional, sepse ky festival është i llojit të parë prej kësaj
organizate, e udhëhequr në bashkëpunim me disa organizata të tjera, do të thotë po synojmë të jetë
festival tradicional, dhe të ketë si qëllim kryesor fuqizimin e grave ndërmarrëse, dhe kjo po besoj që
ka me ndiku edhe direkt në zhvillimin ekonomik edhe të zonave prej nga vijnë këto gra.’’
Në këtë festival përgjatë këtyre shtatë ditëve mund të shijoni flija të pjekura në saç dhe pite të mbushur plot shije.
Melihate Beshiri, drejtoresha e organizatës ‘’Biznesi i Grave të Mitrovicës’’, tregoi veçantitë e ushqimit që ka kjo zonë.
‘’Ne si organizatë çdo vit kemi organizuar panaire, por sivjet e kemi bo pak ma ndryshe, e kemi bo
festivalin e parë të Promovimit të Traditave, Kulturës. Sigurisht, krejt Kosova normal që i kanë traditat
e veta, po çdo qytet i ka pak të ndryshme, flijat pak bëhen ndryshe në një qytet tjetër, Mitrovica i ka
ndryshe, pitet e këto ëmbëlsirat e turshitë e në përgjithësi,’’ tha Beshiri.
Për t’i dhënë edhe më shumë gjallëri festivalit, ansambli “Shqiponjat e Vogla” performoi valle
tradicionale, duke me lëvizjet e tyre plot energji dhe kostumet shumëngjyrëshe.
Në këtë festival po marrin pjesë 38 gra me produktet e tyre të veçanta. Ndërsa atmosfera që krijohet
këtu është një dëshmi e dashurisë dhe respektit për të kaluarën, duke u siguruar që këto vlera të mos
harrohen, por të kalojnë te brezat e ardhshëm. /Katror.info
Përgatiti:
