Festivali i filmit në Prishtinë ”PriFest” i cili çdo vit në shtator sjell produksione të ndryshme filmash të mirënjohur ndërkombëtarisht, do të vazhdojë paraqitjet filmike të edicionit të 15-të, shkruan Katror.info.
Organizatorët kanë publikuar programin e filmave gjatë kësaj jave, në website-in zyrtar.
Të martën, më 12 shtator do të paraqitet filmi ”The Land Within”, i kategorisë ”Short Film Competition”, nga ora 19:00, në Kino Armata, në Prishtinë.
Mundesh me e lexu edhe…
Dita në vazhdim, e mërkurë, do të fillojë nga ora 17:00, ku do të shfaqen filmat e metrazhit të shkurtër dhe të mesëm: ”Si në Vaj”, ”A Big Wall”, ”Frida”, ”Home of The Heart”, si dhe nga ora 19:30, filmat: ”Bound” dhe ”Sirin”.
Të enjen dë të shfaqen filmat: ”Motër”, dhe ”Karoake”, nga ora 17:00, si dhe ”Blaga’s Lessons” nga ora 19:00.
Ndërsa, të premten do të shfaqen filmat e metrazhit të shkurtër dhe të mesëm: ”Palma”, ”Road Tripper”, ”Denise Est Morte Ce Souir”, nga ora 17:00, si dhe ”Escort” nga ora 19:30.
Të shtunën duke filluar nga ora 17:00, do të shfaqen filmat: ”Lullaby”, ”Please Hold the Line”, ”Tunnel At the End of the Light”, si dhe ”Një Filxhan Kafe dhe Këpucë të Reja Veshur”, nga ora 19:30.
Ndërkaq të dielen, nga ora 17:00: ”Revived”, ”Chokehole: Drag Wrestlers Do Deutschland”; nga ora 19:00 ”Jericho Ridge”, si dhe nga ora 20:30 Ceremonia e Çmimeve.
Organizatorët gjithashtu njoftojnë së hyrjet mundësohen vetëm me ftesa (kopje në dorë). /Katror.info
Përgatiti:
