Qendra Kinematografike e Kosovës njofton se pas një rrugëtimi të gjatë dhe të suksesshëm në festivale ndërkombëtare, filmi dokumentar i shkurtër “Krahët e Punëtorëve”, me regji të Ilir Hasanajt, do të ketë premierën e tij spanjolle në edicionin e 53-të të Huesca International Film Festival.
Sipas QKK-së, ky festival prestigjioz, i cili mbahet çdo vit në qytetin Huesca të Spanjës që nga viti 1973, është një prej ngjarjeve më të rëndësishme për filmat e shkurtër në botë dhe një platformë kualifikuese për çmimet Goya dhe Academy Awards.
Filmi nga Kosova është përzgjedhur në garën zyrtare të dokumentarëve, duke u bërë pjesë e një liste ekskluzive prej 15 filmash që do të garojnë për çmimet kryesore të festivalit.
Mundesh me e lexu edhe…
Këtë përzgjedhje QKK e quan sukses të madh për regjisorin Hasanaj dhe gjithë ekipin krijues, si dhe një moment të rëndësishëm për kinematografinë kosovare në arenën ndërkombëtare, duke theksuar rëndësinë që ka përfaqësimi i filmave vendorë në festivale të këtij niveli dhe përkrahjen e vazhdueshme ndaj kineastëve që sjellin zëra autentikë nga vendi ynë në skenën botërore. /Katror.info
Përgatiti:
