Franca do të ndalojë pirjen e duhanit në të gjitha vendet e hapura që mund të frekuentohen nga fëmijët, si plazhet, parqet dhe stacionet e autobusëve, tha ministrja e shëndetësisë dhe familjes në një intervistë të publikuar të enjten.
“Duhani duhet të zhduket aty ku ka fëmijë”, tha Catherine Vautrin në një intervistë të publikuar nga e përditshmja rajonale Ouest-France në faqen e saj të internetit.
Liria për të pirë duhan “ndalet aty ku fillon e drejta e fëmijëve për të thithur ajër të pastër”, tha ajo.
Mundesh me e lexu edhe…
Kufizimet do të hyjnë në fuqi më 1 korrik dhe do të përfshijnë të gjitha vendet ku mund të jenë fëmijët, si “plazhet, parqet, kopshtet publike, jashtë shkollave, stacionet e autobusëve dhe vendet sportive”, shtoi zyrtarja franceze.
Shkelësit mund të gjobiten deri në 135 euro, tha ajo.
Tarracat e kafeneve do të përjashtohen nga ndalimi, i cili gjithashtu nuk do të përfshijë cigaret elektronike, tha ajo.
Rreth 75 mijë njerëz vlerësohet se vdesin nga ndërlikimet që lidhen me duhanin çdo vit në Francë.
Sipas një sondazhi të kohëve të fundit, gjashtë nga 10 francezë (62 për qind) janë dakord të ndalojnë pirjen e duhanit në vendet publike./Katror.info
