Në kuadër të aktiviteteve vjetore, Forca e Sigurisë së Kosovës (FSK) në bashkëpunim me Ministrinë e Arsimit, Shkencës, Teknologjisë dhe Inovacionit, ka mbajtur ligjërata për “Rrezikun nga mjetet piroteknike” me nxënës të Shkollave të Mesme të Ulëta në Republikën e Kosovës.
Ekipet trajnuese të Deminimit të FSK-së synojnë të rrisin vetëdijen e nxënësve për rrezikun që mund të shkaktojnë mjetet piroteknike, veçanërisht me afërimin e festave të fundvitit. FSK-ja thekson rëndësinë e bashkëpunimit me prindërit për të zvogëluar incidentet që mund të ndodhin gjatë përdorimit të këtyre mjeteve.
Përdorimi i mjeteve piroteknike, përveç që mund të shkaktojë lëndime të rënda, mund të sjellë edhe dëme të tjera, si përhapja e zjarrit dhe dëmtimi i pronës. Në shumë raste, përdorimi i paautorizuar i këtyre mjeteve ka çuar në aksidente fatale, veçanërisht në mjedise të mbushura me njerëz. Kjo ka shkaktuar shqetësime serioze për sigurinë publike, duke pasur nevojë për një mbikëqyrje më të fortë dhe informim të vazhdueshëm për rreziqet që këto mjete paraqesin./Katror.info
Mundesh me e lexu edhe…
Përgatiti:
