Forca e Sigurisë së Kosovës njofton se ka organizuar trajnimin “Taktikat me Njësi të Vogla” (TTNJV), me qëllim të përgatitjes profesionale të pjesëtarëve të Policisë së Kosovës, shkruan Katror.info.
Ky trajnim është realizuar nga instruktorët e FSK-së dhe ka pasur pjesëmarrjen e katër pjesëtarëve të Policisë.
Sipas njoftimit gjatë trajnimit intensiv dhe sfidues, pjesëmarrësit janë trajnuar në shkathtësi profesionale në fushën e këmbësorisë, duke marrë njohuri si në aspektin teorik, ashtu edhe praktik.
Mundesh me e lexu edhe…
Ky bashkëpunim ndërinstitucional mes Forcës së Sigurisë së Kosovës dhe Policisë së Kosovës forcon kapacitetet e tyre në funksion të sigurisë dhe stabilitetit të vendit./Katror.info
