Një numër përdoruesish të Google Maps kanë përjetuar një humbje serioze të të dhënave të tyre të vlefshme brenda funksionit “Timeline”, i cili u mundëson të ruajnë vendet që kanë vizituar ose udhëtimet që kanë bërë.
Shumë e kanë përdorur këtë veçori për të kujtuar përvoja të veçanta, si takimet e para, udhëtimet e paharrueshme ose restorantet e mira që kanë zbuluar.
Fatkeqësisht, pas një përditësimi të fundit, funksioni ka hasur probleme teknike dhe shumë përdorues kanë vënë re se të dhënat e tyre janë zhdukur.
Mundesh me e lexu edhe…
Google më parë kishte njoftuar përdoruesit që të zhvendosnin të dhënat e Timeline në një pajisje të caktuar para një date të caktuar, por pavarësisht kësaj, gabimi ka shkaktuar humbje të dhënash për shumë njerëz, edhe ata që kanë ndjekur udhëzimet, transmeton Telegrafi.
Një përdorues ndau përvojën në Reddit, duke shpjeguar se mori një njoftim që llogaria e tij mund të ishte prekur nga problemi dhe, pas kontrollit, vuri re se të gjitha të dhënat e tij ishin zhdukur, përveç disa javëve të fundit.
Shumë të tjerë kanë ndarë përvoja të ngjashme, duke theksuar se kanë humbur vite të tëra udhëtimesh dhe kujtimesh, gjë që ka shkaktuar shumë zhgënjim.
Disa përdorues pretendojnë se kanë arritur të rikuperojnë të dhënat e tyre përmes kopjeve rezervë (backup), por duket se kjo nuk ka qenë e mundur për të gjithë. Nëse jeni përballur me humbjen e të dhënave, mund të ketë një mundësi rikuperimi nëse keni aktivizuar opsionin e kopjeve rezervë.
Për të kontrolluar, sigurohuni që keni versionin më të fundit të Google Maps, shkoni te seksioni Timeline dhe kërkoni ikonën e resë (cloud). Nëse ekziston një kopje rezervë, duhet të keni mundësinë ta riktheni dhe të rikuperoni “kujtesat” tuaja të humbura. /Katror.info
Përgatiti:
