Së bashku me zhbllokimin e telefonit tuaj duke përdorur fytyrën, gjurmën e gishtit ose fjalëkalimin tuaj, përdoruesit e Android së shpejti do të jenë në gjendje të zhbllokojnë telefonin e tyre edhe me orën e tyre inteligjente.
Gjatë CES-it të këtij viti, Google prezantoi funksionin Watch Unlock, i cili lejon përdoruesit të përdorin orën e tyre inteligjente për të zhbllokuar telefonin e tyre celular. Është një funksion që zëvendëson mënyrat tradicionale të zhbllokimit, të cilat Apple i zbatoi në vitin 2021.
Kanë kaluar pothuajse nëntë muaj nga CES dhe Google ende nuk ka zbuluar se kur funksioni Watch Unlock do të bëhet në të vërtetë i disponueshëm për përdorim. Megjithatë, sipas zhvilluesit AssembleDebug, kompania amerikane duhet të vendosë për këtë hap së shpejti, shkruan Katror.info.
Mundesh me e lexu edhe…
Gjegjësisht, AssembleDebug “gërmoi” udhëzuesin zyrtar të videove të Google për aktivizimin e Watch Unlock nga cilësimet e Pixel dhe zbuloi më shumë detaje rreth veçorisë së ardhshme.
Nga video që ka postuar në rrjetin social X, shihet se opsioni do të funksionojë vetëm në orët inteligjente që përdorin sistemin operativ WearOS. Kur është i ndezur, sa herë që telefoni është i shkyçur, ai automatikisht do të pyesë nëse ora është afër dhe nëse është, përdoruesi do të duhet vetëm të klikojë mbi njoftimin ose të rrëshqasë lart në ekran për ta zhbllokuar atë.
Veçoria, meqë ra fjala, bazohet në API-në ekzistuese Active Unlock të integruar në Android 13. /Katror.info
Përgatiti:
