Një djalë i ri nga Florida, të cilit iu dhanë vetëm edhe tetë muaj jetë, e mposhti një lloj të rrallë të kancerit në gjak, edhe pse ishte pothuajse në fund të jetës disa herë gjatë trajtimeve mjekësore. Sot ai është shëruar plotësisht dhe tash po frymëzon të tjerët t’i kalojnë vështirësitë shëndetësore.
Michael Cramer vizitoi mjekun vetëm pasi ndjeu lodhje, djersitje gjatë natës dhe humbje peshe — simptoma që mendonte se i përfitoi nga stresi i mbylljeve nga COVID-19 — por testi i gjakut tregoi se diçka s’ishte në rregull dhe iu desh ta vizitonte menjëherë një specialist gjaku.
21-vjeçari u diagnostikua më pas me Limfomën e qelizave T hepatosplenike (HSTCL) në korrik të vitit 2020. Bashkë me nënën e tij, Ashlee Cramer, e mësuan lajmin e tmerrshëm se shumica e njerëzve nuk i mbijetojnë këtij kanceri dhe se Michael mund t’i kenë mbetur vetëm tetë muaj jetë.
Mundesh me e lexu edhe…
Menjëherë iu nënshtrua raundeve kimioterapike intensive në Spitalin e Fëmijëve Nicklaus në Miami, përpara se ta merrte një transplant të palcës kockore.
- Advertisement -
Transplanti rezultoi në një ndërlikim të rëndë të quajtur Sëmundja Graft vs. Host (GVHD), ku qelizat e dhuruesit sulmojnë qelizat pritëse. Gjatë 18 muajve të ardhshëm, GVHD preku lëkurën e Michael, traktin e tij gastrointestinal dhe më pas mëlçia e tij u dëmtua dhe për pak sa e u bë shkaktarë i vdekjes.
“Transplantimi ishte i tmerrshëm. Ndihesha i dobët”, tha ai për SWNS. “Ishte udhëtim i gjatë dhe i ngadaltë prej vizitash në spital, infuzioneve dhe kaq shumë pengesave”.
- Advertisement -
“Më larguan fshikëzën e tëmthit, e cila e la stomakun të paralizuar. Më pas mora nekrozë avaskulare në të dy gjunjët e mi që mund të më kishte dëmtuar aftësinë e të ecurit”.
Në fillim të vitit 2022, lëkura e tij ishte zverdhur nga dështimi i mëlçisë dhe merrte kaq shumë trajtime të ndryshme, intensive, saqë trupi i tij u mbingarkuar.
Por këtë qershor, Michael filloi një trajtim të ri në Institutin e Kancerit të Universitetit në Miami, të quajtur fotoferezë ekstrakorporale (ECP).
Miratuar nga FDA në vitin 1988, ECP ka përfituar pacientë me një sërë sëmundjesh autoimune — plus sëmundjen e transplantit kundër pritësit, limfomës së qelizave T dhe refuzimit të organeve, e krejt këto e prekën Michaelin.
Mjekimi ia ndau gjakun, ia trajtoi dhe ia ktheu të pastër, gjë që në fund i dha zgjidhjen si pasojë e cilës iu shpëtua jeta e tij.
Ashlee, nëna e djaloshit, e cila hoqi dorë nga puna e saj si mësimdhënëse për t’u kujdesur për Michaelin, e përshkroi udhëtimin e tij si zemërthyes dhe mahnitës: “Jetët tona ndryshuan në mënyrë dramatike, por vendosëm ta pranojmë çdo ditë — në fakt çdo minutë — sido që të vijë.
- Advertisement -
“Djali ishte jashtëzakonisht i fortë dhe jam shumë krenare për të”.
Michael tani është i pastruar plotësisht nga qelizat kancerogjene dhe po i ndan ballafaqimet e tij të mrekullueshëm në TikTok dhe Instagram me njerëz të tjerë, dhe po punojnë në një podcast bashkë me nënën e tij, me titull “Michael and MomTalk Cancer”.
Duke qenë i pranishëm në rrjetet sociale, Michael ka përfituar grup të madh mbështetësisht që përfshijnë persona që i kanë mbijetuar kancerit nga e gjithë bota.
Ashlee dhe djali i saj po shpresojnë se përmbajtja e tyre online do t’i frymëzojë njerëzit të jenë pozitivë dhe ta rikujtojnë se jeta mund të bëhet e vështirë, por vështirësitë nuk janë asnjëherë të përhershme.
- Advertisement -
“Shpresoj që ai i cili po përjeton diçka të ngjashme, mund të frymëzohet nga udhëtimi im dhe ta tejkalojë atë — vërtet çdo gjë mund të tejkalohet”.
/The Good News Network.
Përgatiti:
