Kompania e Elon Musk, SpaceX ka filluar me shërbimin e ‘Starlink-for-RVs’ në maj, duke ofruar qasje në internet për veturat, megjithëse ato duhej të parkoheshin kur ishin duke e përdorur shërbimin.
Njoftimi i së mërkurës e çon shërbimin RV një hap më tej, duke mundësuar lidhjet ndërsa vetura është në lëvizje.
Kjo kompani do të lejojë përdoruesit të vendosin një instalim të përhershëm të pjatës të quajtur Flat High Performance, e cila do të lidhet me Starlink, duke marrë performancë të lartë të internetit në automjetet e tyre.
Mundesh me e lexu edhe…
Në një postim në Twitter, kompania private e hapësirës, shpjegoi se oferta e re i lejon klientët të shijojnë internetin me shpejtësi të lartë dhe me vonesë të ulët ndërsa janë në lëvizje.
- Advertisement -
Lloji i ri i pjatës është instaluar në tavanin e automjetit dhe pozicionimi i tij e bën atë më të efektshëm dhe do të mund të lidhet me më shumë satelitë Starlink në çdo kohë të caktuar.
Pajisja e re është në thelb një shtesë për shërbimin Starlink RV, që është në shitje nga muaji maj i këtij viti dhe që iu mundëson përdoruesve të lidhen me internetin, derisa janë në lëvizje.
- Advertisement -
Elon Musk ka thënë se qëllimi i këtij plani është që të përmirësohet edhe më shumë shërbimi i Starlink në mbarë botën duke e sjellë atë në shumë vende.
Aktualisht ky shërbim mbulon më shumë se 30 vende në mbarë botën dhe do të vijë në shumë të tjera gjatë një ose dy viteve të ardhshme.
Pas automjeteve në lëvizje SpaceX ka planifikuar që shërbimin e internetit ta vendos në anijet e lundrimit, avionët privatë dhe avionët e pasagjerëve.
Pajisja e re e lidhjes me internet pritet të jetë në shitje nga dhjetori i këtij viti, kurse çmimi i saj do të jetë 2500 dollarë./Katror.info
Përgatiti:
