Ministrja e Ekonomisë, Artane Rizvanolli, përmes një njoftimi ka bërë të ditur se, intervenimet në kanal sapo kanë përfunduar si dhe furnizimi i kanalit me ujë ka rifilluar, ndërsa nivelet e ujit në Termocentralin Kosova B janë monitoruar dhe kanë qenë të mjaftueshme përgjatë gjithë kohës.
”Sikurse edhe gjatë dy ditëve të kaluara, prioritet i parë do të mbetet furnizimi i mjaftueshëm i termocentralit me ujë për ftohje, për të zgjeruar pastaj furnizimin për KRU-të sa më herët që është e mundshme” tha ajo.
Gjithashtu, Rizvanolli ka njoftuar se për të realizuar punët në kanal, furnizimi i kanalit me ujë është ndërprerë mbrëmë në mesnatë dhe si rrjedhojë, komunat që furnizohen me ujë nga Ibër-Lepenci mund të kenë reduktime gjatë ditës së sotme.
Mundesh me e lexu edhe…
Rizvanolli theksoi se ka qenë e domosdoshme të bëhej një zgjidhje inxhinierike, për të ruajtur sigurinë e kanalit.
Ministrja falënderoi ekipin e Ibër Lepencit dhe kontraktorin për punën e kryer në kanal, si dhe Ministrin Xhelal Sveçla dhe Zëvendësministrin Hysen Durmishi për mbikëqyrjen e punimeve gjatë gjithë natës.
Në fund, ajo inkurajon qytetarët që për informata të sakta rreth furnizimit me ujë të ndjekin njoftimet e Kompanive Rajonale të Ujësjellësit. /Katror.info
Përgatiti:
