Ruajtja e gjësendeve të një ish të dashuri/e mund të jetë fitimprurëse më vonë – të paktën nëse ish-i juaj rezulton të jetë personi më i pasur në botë.
Ish e dashura e sipërmarrësit të teknologjisë, Elon Musk, po nxjerr në ankand një koleksion fotografish dhe kujtimeve nga marrëdhënia e saj me miliarderin. Jennifer Gwynne, e cila ishte e dashura e Musk gjatë kolegjit, po i shet kujtimet përmes RR Auction me bazë në Boston.
Ankandi përfshin 18 foto të Musk si student, si dhe disa kujtime të tjera të kohës së Musk dhe Gwynne së bashku.
Mundesh me e lexu edhe…
Artikulli me ofertën më të lartë është një kartë ditëlindjeje e nënshkruar nga Musk, i përcjellur me një stoli që i ishte dhuruar Gwynne në ditëlindjen e saj.
Që nga mëngjesi i së dielës, oferta më e lartë është pothuajse 7,000 dollarë. Karta pritet të shitet për më shumë se 10,000 dollarë deri te mërkuren, kur ankandi do të mbyllet.
Gwynne dhe Musk filluan të takoheshin në vitin 1994 kur të dy punonin si këshilltarë rezidentë në një konvikt universitar, sipas një njoftimi të RR Auction, transmeton CNN. Menjëherë pas diplomimit në Universitetin e Pensilvanisë, Musk filloi një program doktorature në Stanford, por e braktisi Gwynne për të nisur startup-in e tij të parë, ‘Zip2’.
Përgatiti:
