Aktori i famshëm i Holliwood-it me origjinë shqiptare, Jim Belushi ndodhet në Tiranë për të realizuar një dokumentar, që do të transmetohet së shpejti në median amerikane. Lajmin e dha kryetari i Bashkisë së Tiranës, Erion Veliaj, i cili priti aktorin me famë ndërkombëtare dhe i dhuroi “Kullën e Sahatit”.
Kjo është një shenjë se duhet të kthehesh sërish të na vizitosh”, i tha Veliaj aktorit shqiptar.
Gjatë takimit me kreun e Bashkisë, Jim Belushi ka rrëfyer se e ka gjetur Tiranën një qytet të transformuar në mënyrë të paimagjinueshme. Veliaj u shpreh krenar se një aktor i madh si ai do të jetë promovuesi i radhës i imazhit të Tiranës në Amerikë.
Mundesh me e lexu edhe…
Dje pasdite Belushi përshëndeti edhe anëtarët e Këshillit Bashkiak të Tiranës. Më pas, Veliaj ndau me ta edhe se çfarë i kishte rrëfyer aktori.
“BLUESBROTHERS Me legjendën Jim Belushi për dokumentarin amerikan mbi Shqipërinë, në serialin e DiscoveryChannel”, ka shkruar kryeministri Edi Rama në Facebook pas takimit me Belushin.
Roli i parë i gjatë i Jim Belushit ishte në filmin: Michael Mann’s Thief (1981). Që nga 1983 deri më 1985, shkroi dhe mori pjesë në programin e mbrëmjes së shtunës: Saturday Night Live.
Kulmin e famës së tij, drejt rolit kryesor e arriti me rolet ndihmëse në: About Last Night dhe Salvador (të dy më 1986). Luajti role në filmat: Real Men (1987), The Principal (1987), Red Heat (1988), K-9 (1989), Taking Care of Business (1990), Mr. Destiny (1990), Royce (1994), Retroactive (1997).
Po ashtu, ai kishte rolin kryesore ne sitcomin According to Jim ku luan rolin e babait suburban te tre fëmijëve.
Përgatiti:
