Prodhuesit e kamionëve po përpiqen të reduktojnë konsumin e karburantit dhe emetimin e karbonit, dhe Scania duket se ka një ide origjinale. Gjegjësisht, prodhuesi i kamionëve, në bashkëpunim me Universitetin e Uppsala në Suedi dhe disa kompani të tjera, vendosën të përdorin një sipërfaqe të madhe që deri më tani ishte një “kanavacë bosh”.
Panele diellore që mbulojnë gjithsej 100 metra katrorë janë instaluar në rimorkio të kamionit dhe mundësojnë një “korrje” të madhe energjie.
Në Suedi, këto panele mund të prodhojnë rreth 8,000 kWh energji në vit. Ato mbushin një bateri 200 kWh në rimorkio tërheqëse, si dhe një bateri 100 kWh në kamion, e cila në thelb është një hibrid plug-in.
Mundesh me e lexu edhe…
Scania nuk specifikoi, por nuk është e vështirë të supozohet se sistemi bazohet në një motor nafte. Kamioni dhe rimorkio janë aktualisht në testim dhe projekti synon të përcaktojë se sa energjia diellore redukton kostot e funksionimit dhe emetimet.
Është vlerësuar se panelet diellore mund të sigurojnë deri në 5000 km në vit vetëm me energji elektrike – në Suedi. Në rajonet me diell, kamioni mund të lëvizte deri në 10,000 km vetëm me energji elektrike të marrë nga energjia diellore./Katror.info
Përgatiti:
