Keanu Reeves, aktori që refuzon t’i nënshtrohet standardeve të Hollywoodit

Keanu Reeves feston sot ditëlindjen e tij të 59-të. Aktori prej vitesh mban titullin e “mirëbërësit më të madh të Hollywoodit”, gjë që nuk është për t’u habitur duke pasur parasysh se një pjesë të madhe të të ardhurave të tij e dhuron për bamirësi, shpesh shoqërohet me të pastrehët dhe është jashtëzakonisht i sjellshëm dhe i durueshëm me adhuruesit e tij të shumtë.

Pak muaj më parë, Keanu ka befasuar punonjësit në një pub britanik, të cilët e kanë shpërndarë historinë në faqen e tyre në Facebook, shkruan Katror.info.

“Sot kishim një mysafir surprizë në drekë. Sa njeri i mirë. E pyetëm nëse do të donte të bënte një foto me ekipin nga kuzhina dhe ai menjëherë hyri në kuzhinë, u shtrëngoi dorën të gjithëve dhe lavdëroi ushqimin. E kotë të them, u ka rregulluar ditën”, kanë shkruar ata.

Ai gjithashtu kënaqi adhuruesit në promovimin e librit të tij me vizatime në Los Angeles. Një djalë i quajtur Noah iu afrua Reeves dhe i tha se ai ishte aktori i tij më i preferuar në botë dhe Keanu filloi menjëherë një bisedë me të. Videoja e takimit të tyre është shpërndarë në rrjetet sociale dhe shumë kanë shkruar se “botës i duhen më shumë njerëz si Keanu”.

View this post on Instagram

A post shared by Bruce Concepcion (@bruceleeconcepcion)

Aktori u vlerësua gjithashtu nga shumë njerëz pas paraqitjes së tij të ftuar në panelin Comic Con Experience (CCE) dhjetorin e kaluar, ku ai promovoi vazhdimin e ri të John Wick. Ardhja e tij shkaktoi një ovacion në këmbë në publik. Keanu u prek dukshëm nga reagimi i adhuruesve dhe u gjunjëzua për t’u përkulur para audiencës dhe video u bë virale në rrjetet sociale.

Keanu Reeves meets 9-year-old superfan Noah at a surprise BRZRKR signing in LA! pic.twitter.com/DQ0ATnnKT9

— IGN (@IGN) April 25, 2023

Disa shpesh përmendin qëndrimin e Reeves ndaj grave. Në një rast, përdoruesit e Twitter-it i kanë komentuar fotot e tij me adhuruese femra në të cilat aktori ka pozuar vetëm në dukje duke i përqafuar, pra ka vendosur dorën pas vajzave sikur i ka përqafuar, por nuk i ka prekur.

Ai u bëri përshtypje edhe kolegëve të tij. Një muaj më parë, Reeves prezantoi ekipin e skenave të rrezikshme nga filmi i fundit i John Wick me orët Rolex me vlerë më shumë se 8,000 euro si shenjë vlerësimi për skenat epike të luftimeve nga filmi i ri, të cilin kritikët e quajtën “një nga filmat më të mirë aksion ndonjëherë”. “

Bruce Lee Concepcion, Jeremy Marinas, Dave Camarillo dhe Li Qiang janë katër kaskaderët me të cilët Reeves kaloi mbrëmjen në një bistro në Paris, ku u bëri atyre dhurata. Në xhirimet e të njëjtit film, aktori shkaktoi entuziazëm pasi ndihmoi grupin e xhirimit të mbante pajisjet lart shkallëve.

I can watch this for the rest of my life♥️🙏🏻 #KeanuReeves pic.twitter.com/oCLhNkm2Ez

— keanureevesfanpage.tr (@keanureevesfptr) December 4, 2022

Adhuruesit u mahnitën gjithashtu nga historia që Kate Beckinsale kujtoi së fundmi. Aktorja e përshkroi ngjarjen në vitin 1993, kur shkoi për herë të parë në festivalin e Kanës me Keanun dhe pjesën tjetër të kastit të filmit “Much Ado About Nothing”. Pikërisht në momentin që ishin gati të dilnin në tapetin e kuq, rrobat e Kate u grisën në një vend intim.

Kur arriti në destinacionin e saj, ajo i tha Keanu dhe Robert Sean Leonard se çfarë kishte ndodhur dhe ata i erdhën në ndihmë. Teksa pozonte për foto, Kate ruante pjesën e përparme të fustanit, ndërsa të dy mbanin të pasmet që të mos ndahej.

Aktori dhe e dashura e tij Alexandra Grant së fundmi vodhën shfaqjen në Gala të Muzeut të Artit Bashkëkohor në Los Angeles pasi ndanë një puthje pasionante para një turme fotografësh. Një foto e puthjes së tyre bëri xhiron e botës.

E dashura e Reeves është shumë interesante për publikun duke pasur parasysh se 59-vjeçari Keanu është një shembull i rrallë i një mashkulli hollivudian që është në një lidhje me një grua 50-vjeçare dhe me flokë gri. Zgjedhja e partnerit nga aktori është një tjetër dëshmi se ai refuzon t’i nënshtrohet standardeve të Hollywoodit./Katror.info