A i keni të zorshme mëngjeset? Epo, kjo nuk iu ndodh veç juve. Një studim i fundit ka gjetur se koha ma stresuese e ditës është në mëngjes. Hulumtuesit së fundi identifikuan kohën më stresuese të ditës duke përcaktuar edhe orën e minutat si dhe gjërat që janë më stresuese.
Siç raporton New York Post, studimi u krye te një grup 2000 njerëzve përmes OnePoll for Rescue Remedy dhe zbuloi se mëngjesi është koha më stresuese e ditës.
Konkretisht, koha stresuese është ndërmjet orës 07:23 dhe 8:43 paradite, ndërsa stresi i parë ndodh rreth orës 8:18 të mëngjesit.
Mundesh me e lexu edhe…
Sipas studiuesve, gjatë kësaj periudhe mund të ndodhin situatat e mëposhtme, të cilat krijojnë ankth:
- Trafiku në rrugë
- Njolla në rroba (nga kafeja, ushqimi ose make-up)
- Thyerja e një objekti (p.sh. një gotë)
- Zgjimi i vonuar
- Njolla në tapetin në shtëpi
Gjithashtu, sondazhi zbuloi se lodhja (46%), gjumi i prishur i natës (36%) dhe një ditë e gjatë në punë (33%) ishin ndër arsyet kryesore që një person të jetë i stresuar ditën tjetër.
Kështu, katër nga dhjetë (41%) pohojnë se kanë qëndruar zgjuar natën ose se u është prishur gjumi për shkak të bezdisjeve të përditshme. Në fakt, gratë në një normë prej 50%, në ndryshim nga burrat që ishin 32%, stresoheshin më shumë.
Zëdhënësja e Rescue Remedy Zuzana Bustikova tha “më shumë se kurrë, është e rëndësishme të kuptojmë se çfarë na thonë trupat dhe mendjet tona dhe, megjithëse nuk është gjithmonë e lehtë, është jetike të ngrënit mirë, të vendosim një rutinë relaksimi para gjumit dhe të gjejmë kohë për të kujdesemi për veten”. /Katror.info
Përgatiti:
