Kosova ka shënuar një arritje historike në sportet aeronautike, duke u renditur në vendin e pestë në ranglistën botërore të paraglidingut të precizionit, sipas përditësimit të fundit të publikuar nga Federata Aeronautike Ndërkombëtare (FAI). Ky sukses pasqyron një sezon të jashtëzakonshëm garash ndërkombëtare dhe kombëtare gjatë vitit 2024.
Pilotët kosovarë spikatën me performancat e tyre në Kupën Botërore të Paraglidingut të Precizionit (PGAWC) dhe Kampionatin Kombëtar Shqiptar 2024, duke demonstruar aftësi të larta dhe qëndrueshmëri në rezultate. Përveç kësaj, Kosova arriti një tjetër sukses madhor në Kampionatin Evropian të mbajtur në Gjirokastër, ku ekipi kosovar zuri vendin e dytë, duke lënë pas ekipe të fuqishme dhe me përvojë nga vende të ndryshme të Evropës.
Federata Aeronautike e Kosovës e ka cilësuar këtë arritje si një dëshmi të përparimit të sportit në vend dhe një motivim për të ardhmen. “Kjo renditje e vendos Kosovën në mesin e vendeve elitare të paraglidingut të precizionit dhe jep një shtysë të madhe për zhvillimin e mëtejshëm të këtij sporti,” deklaroi Federata.
Mundesh me e lexu edhe…
Rezultatet e vitit 2024 janë tregues i punës së palodhur të pilotëve dhe trajnerëve, si dhe i përkushtimit të Kosovës për të arritur nivele të larta në sportet aeronautike. Me këtë sukses, Kosova po forcon pozitën e saj si një konkurrent i rëndësishëm në skenën ndërkombëtare./Katror.info
Përgatiti:
