Kosova e para në Ballkan për teknologji të informacionit

Se të rinjtë e Kosovës po shpërthejnë në teknologji, po dëshmohet dita ditës.

Së fundmi ‘’Emerging Europe’’ në indeksin e  saj global të konkurrencës në teknologji e ka rënditur Kosovën në vendin e 11- të në Evropë për sa i përket talentit dhe potencialit hapësinor për zhvillim të teknologjisë dhe të informacionit, duke bërë kështu Kosovën të parën në Ballkanë.

Kjo rënditje shënon një progres të madh për Kosovën, sidomos kur merren parasysh faktorët që e kanë penguar një zhvillim të tillë teknologjik, duke filluar nga fakti se Kosova është vendi i fundit evropian që ka dalur nga lufta, pastaj shumë vite kolapsi ekonomik, dhe gjithashtu edhe faktori ‘’izolues’’ apo mungesa e liberalizimit e cila pamundëson lëvizjen e lirshme për bashkëpunim teknologjik me vendet tjera.

Raporti i referohet si progres të dukshëm 39 shteteve tjera duke vënë në pah një ritëm të shpejt teknologjik në Europë.

Në parathënien e këtij raporti, Uranik Begu, drejtor  ekzekutiv i Qendrës së  Inovacionit në Kosovë, thotë se Kosova ka shënuar ngritje në fushën e teknologjisë pavarsisht barrierave.

”Zhvillime të shpejta teknologjike po e bëjnë shumë të vështirë përsistemi ekzistues formal arsimor për të adresuar nevojat e tregut në drejtim të talent. Vendet dhe kompanitë në rajonin e ”Emergin Europe” po shohin këtë si një mundësi e madhe për të kapur tregjet dhe të rrisin kompanitë, ndërsa duke ushqyer talentin vendas dhe duke ofruar mundësi të mahnitshme për rininë e tyre dhe ekonomitë e tyre përkatëse”, ka thënë Begu.

Ai gjithashtu ka shtuar se sipërmarrësit dhe talenti janë zgjidhje për të ardhmen.

Ndërkaq, Korrespondenti teknik i CNN, Samuel Burke, është shprehur se nga përvoja e tij si teknik i lartë në CNN ka vërejtur ndryshime në shkallët teknologjike ne Europë.

‘’Në dekadën time që mbulon teknologjinë me CNN, kam parë shumë vende dhe rajonet që përpiqen të bëhen ” Silicon Valley” i radhës. Fillesat në ”Emergin Europe”, po dëshmon se ka më shumë se vetëm dëshira – ajo çfarë ata tashmë po bëjnë eshte realitet. Historia e thellë e rajonit e përparuar në inxhinieri, aksesi në treg si dhe aftësitë e avancuara gjuhësore kanë bërë ata lojtarë kyç në ekosistemin e teknologjisë’’, ka thënë ai.

Kohën e fundit në Kosovë, përparim të posaqën në Teknologji dhe Informatikë ka pasur edhe nga vajzat, ku vetëm vitin e kaluar janë angazhuar 1000 vajza në aktivitete teknologjike, duke bërë ato që të mendojnë një karrierë të mundshme në TIK.