Ekipi i Kosovës në boks do të marrë pjesë në turneun ndërkombëtar Memoriali “Vllaznia 2025”, i cili mbahet nga 5 deri më 9 qershor në Shkodër, Shqipëri.
Më 5 qershor, delegacioni kosovar do të udhëtojë drejt Shkodrës për të përfaqësuar vendin në këtë garë me një përbërje të fuqishme prej 7 boksierësh. Në pesha të ndryshme do të garojnë: Bashkim Bajoku (55 kg), Lumturim Xhoxhaj (60 kg), Luar Aliu (60 kg), Rexhep Morina (65 kg), Loris Idrizi (70 kg), Jozef Rrasi (75 kg) dhe Planet Berisha (80 kg). Ekipi drejtohet nga trajneri Nazim Halili.
Turneu pritet të jetë mjaft konkurrues dhe me pjesëmarrje të fortë nga vende të ndryshme, duke krijuar mundësi të shkëlqyera për boksierët kosovarë për t’u testuar dhe për të treguar potencialin e tyre./Katror.info
