Që nga 1 janari 2025, Kosova ka marrë zyrtarisht kryesimin njëvjeçar të Fondit për Ballkanin Perëndimor (WBF), përmes Ministrisë së Punëve të Jashtme dhe Diasporës (MPJD), duke pasuar Bosnjë dhe Hercegovinën në këtë rol të rëndësishëm rajonal.
Në kuadër të këtij kryesimi, nga data 11 deri më 13 qershor 2025, në Prishtinë po mbahet “Regional Networking and Dialogue Session”, një aktivitet tre ditor i organizuar nga WBF në bashkëpunim me Bashkimin Evropian (BE), i cili synon forcimin e bashkëpunimit dhe dialogut ndërmjet organizatave të shoqërisë civile dhe aktorëve të tjerë në Ballkanin Perëndimor, njofton MPJD.
Në ceremoninë e mirëseardhjes, Drejtori i Departamentit për Evropë, BE dhe Rajon në MPJD, Mentor Tahiri, ka uruar pjesëmarrësit për angazhimin dhe pjesëmarrjen e tyre në këtë aktivitet, duke theksuar rëndësinë e kësaj ngjarjeje për Kosovën dhe rajonin.
Mundesh me e lexu edhe…
“Kosova është e përkushtuar ndaj bashkëpunimit rajonal në funksion të integrimit evropian dhe stabilitetit afatgjatë në rajon. Vlerat, parimet dhe standardet evropiane duhet të jenë udhërrëfyes në ndërtimin e një bashkëpunimi të qëndrueshëm e të suksesshëm rajonal”, deklaroi Tahiri.
Ai shtoi se gjatë këtij viti të kryesimit, Kosova do të punojë në drejtim të forcimit të qëndrueshmërisë institucionale të WBF-së, si dhe në zgjerimin e rrjetit të tij dhe rritjen e qasjes për të gjithë aktorët relevantë të shoqërisë civile në rajon. Po ashtu, Tahiri theksoi rëndësinë e qasjes së barabartë për të gjitha organizatat, duke përmendur se deri më tani./RTK Live/Katror.info
