Me datën 3 qershor ka filluar zyrtarisht një nga ngjarjet më të mëdha sportive të vitit në Kosovë – WTT Feeder Prishtina 2025, që do të vazhdojë deri më 7 qershor. Ky turne ndërkombëtar i pingpongut ka sjellë në Prishtinë mbi 600 sportistë nga 45 shtete, përfshirë edhe 12 vende që ende nuk e kanë njohur pavarësinë e Kosovës – një moment domethënës për afirmimin ndërkombëtar të vendit dhe për diplomacinë sportive.
Gara ka nisur me paraqitjen e sportistëve kosovarë, të cilët po konkurrojnë në disa kategori: çifte mikse, çifte, si dhe në garat individuale. Pjesëmarrja e tyre para publikut vendas është një mundësi e madhe për të treguar talentin dhe përkushtimin ndaj këtij sporti në rritje në Kosovë.
Për adhuruesit e pingpongut, të cilët nuk janë fizikisht të pranishëm në sallat e garës, ndeshjet transmetohen drejtpërdrejt online përmes kanaleve zyrtare të WTT në YouTube:
Mundesh me e lexu edhe…
Orari i plotë i ndeshjeve dhe informacionet shtesë janë të qasshme në platformën zyrtare të World Table Tennis: https://worldtabletennis.com/eventInfo…
Tavolina 1: https://www.youtube.com/watch?v=SM0Y3drj0qI
Tavolina 2: https://www.youtube.com/watch?v=_L_5S00DwGE
Tavolina 3: https://www.youtube.com/watch?v=oOHAyY7Plu0
Tavolina 4: https://www.youtube.com/watch?v=Ttsb9n5s6fw
Ky event pason menjëherë pas WTT Youth Contender, që përfundoi më 1 qershor, duke shënuar një periudhë të ngarkuar dhe të suksesshme për sportin e pingpongut në vend.
Prishtina po shndërrohet kështu në një qendër ndërkombëtare të pingpongut dhe sportit në përgjithësi – një hap i madh për promovimin e Kosovës në skenën globale./Katror.info
