Përpjekja e 28-të për konstituimin e Kuvendit të Kosovës ka dështuar sërish, pasi nuk është arritur kuorumi i nevojshëm për formimin e komisionit që do të zhvillonte votimin e fshehtë për zgjedhjen e kryetarit të Kuvendit.
Në sallë ishin të pranishëm 85 deputetë, ndërsa në votim morën pjesë vetëm 43 prej tyre – të gjithë votuan pro, pa asnjë votë kundër apo abstenim. Pavarësisht kësaj, mungesa e kuorumit e bëri të pamundur vazhdimin e procesit.
Seanca e radhës është thirrur për ditën e hënë, ndërsa kriza për zgjedhjen e kryeparlamentarit vazhdon për të dytin muaj radhazi.
Mundesh me e lexu edhe…
Deputetët e Kuvendit të Kosovës u mblodhën të shtunën për herë të 28-të në përpjekje për ta konstituuar Kuvendin. Procesi ka mbetur i bllokuar për shkak të mungesës së një marrëveshjeje për zgjedhjen e Kryetarit të Kuvendit, raporton Katror.info.
Lëvizja Vetëvendosje, si partia fituese e zgjedhjeve, ka propozuar Albulena Haxhiun për këtë post, por propozimi i saj është kundërshtuar nga partitë tjera, të cilat e shohin atë si figurë që krijon ndasi politike.
Që nga seanca e parë konstituive e mbajtur më 15 prill, janë bërë 27 përpjekje të pasuksesshme për të përmbyllur këtë proces. Ndërkohë, edhe në këtë tentativë të 28-të, nuk ka sinjale të qarta për një zgjidhje të afërt të bllokadës që ka zgjatur tashmë mbi dy muaj./Katror.info
