Kosova gjatë vitit 2024 ka importuar mallra në vlerë prej rreth 6.3 miliardë euro ndërkaq Turqia është renditur e para në mesin e vendeve prej ku Kosova ka bërë import.
Në një konferencë për media ku u shpalosën të dhëna të Doganës për vitin 2024, drejtori i këtij institucioni, Agron Llugaliu tha se vendi i tij më së shumti ka importuar nga Turqia.
Sipas tij, Kosova këtë vit ka bërë import prej rreth 6.3 miliardë euro ndërsa Turqiaështë renditur e para me 909 milionë euro, duke u pasuar nga Gjermania dhe Kina, në vendin e dytë dhe të tretë, respektivisht, raporton Anadolu.
Mundesh me e lexu edhe…
Në konferencën për media ishte i pranishëm edhe ministri i Financave, Punës dhe Transfereve, Hekuran Murati, i cili theksoi se afërsisht 90 për qind e buxhetit të vendit përbëhet nga të ardhurat nga doganat dhe tatimet.
Turqia ishte vendi nga i cili Kosova importoi më shumë edhe gjatë viteve 2022 dhe 2023./Katror.info
