Edhe një sukses i shqiptarëve në botë. Këtë herë lajmi vjen nga Zvicra. Këshilli drejtues qeveritar i Kantonit të Cyrihut ka emëruar Labinot Demajn Sekretar të ri të Përgjithshëm të Drejtorisë së Shëndetësisë (DG).
Këtë post, nga 1 shtatori 2023 do ta mbajë politologu 39-vjeçar i cili aktualisht është shef i departamentit të Transformimit Dixhital në Drejtorinë e Përgjithshme, thuhet në një njoftim të Drejtorisë në fjalë, përcjell albinfo.ch
Labinot Demaj është diplomuar në Universitetin e St. Gallen në vitin 2010 me M.A. HSG në Marrëdhëniet Ndërkombëtare dhe Qeverisje.
Mundesh me e lexu edhe…
Nga viti 2008 deri në vitin 2010 ai ka përfunduar një Master CEMS në Menaxhim Ndërkombëtar në Universitetin e St. Gallenit dhe në Universitetin Erasmus të Roterdamit përpara se të realizonte doktoraturën në shkencat politike (Dr. rer. publ. HSG) në 2015.
Pas punës si asistent kërkimor në Institutin për Menaxhimin Sistemik dhe Qeverisjen Publike në Universitetin e St. Gallenit (IMP-HSG) dhe një qëndrimi kërkimor në Universitetin e Kalifornisë, Berkeley/SHBA, Demaj, nga marsi i vitit 2015, ka punuar si menaxher programi për menaxhim strategjik në sektorin publik në Universitetin e St. Gallenit, ku gjithashtu ka bashkëthemeluar dhe menaxhuar “Behavioral Research Lab” (Laboratorin e Kërkimeve të Sjelljes).
Nga viti 2018 deri në vitin 2020 ai ka punuar si bashkëthemelues dhe partner për byerley AG Zurich, e cila është shitur në vitin 2021 dhe u integrua në Abraxas Informatik AG.
Më pas ai ka punuar në postin e Shefit në Abraxas Informatik AG deri në dhjetor 2022. Që nga fillimi i vitit 2023, Labinot Demaj është Udhëheqës i Departamentit të Transformimit Digjital në Drejtorinë e Shëndetësisë, transmeton albinfo.ch. Ai zëvendëson në këtë post Daniel Roth si Sekretar i Përgjithshëm, i cili do të marrë detyrën si Shef i Departamentit Ligjor në Zyrën Federale për Mjedisin (FOEN) më 1 shtator 2023./Albinfo.ch /Katror.info
Përgatiti:
