Nëse ke planifiku me gostitë mysafir, apo edhe ke mysafir t’paplanifikum e po don shpejt e shpejt me përgatitë ndonji ambëlsinë ndryshe prej atyne që zakonisht servohen n’shtëpi, “Lava cake” asht ambëlsina e duhun.
E lehtë me u përgatitë, me vetëm 6 përbërës e e gatshme n’15 minuta, lava cake-u asht nji prej desertëve t’parezistushëm edhe që definitivisht ta k’naqë edhe synin.
PËRBËRËSIT:
120 gr çokollatë (60% kakao)
120 gr gjalpë
3 vezë të mëdha
1/2 filxhan sheqer
1/4 filxhan miell
1 lugë gjelle kakao
HAPI 1:
Gjersa përgatitë masën për lava cake-un, nxeje paraprakisht furrën n’200C. N’ndërkohë n’nji enë t’thellë shkrije çokollatën tanësisht, shto gjalpin, sheqerin e vezët e përziji me mikser. Sigurohu që masa mos me pas’ copëza brumi e që asht ba e njitrajtshme.
Mundesh me e lexu edhe…
HAPI 2:
Kallëpët e ambëlsinave lyji me pak gjalpë dhe sipër vendos pak kakao e shpërndaje mirë n’t’gjitha anët. Shto masën e ambëlsinës n’kallëpe.
HAPI 3:
Mbushe 3/4 e kallëpëve me masën e përgatitun. Vendos kallëpët n’furrë e pjaki për 10-12 minuta. Largo kallëpët dhe leji me u ftohë për 2 minuta.
HAPI 4:
Servo lava cake-un n’pjatë t’u e kthy kallëpin poshtë. Servoje këtë ambëlsinë me mjedrra, dredhëza ose fruta t’tjerë mali nëse ke dëshirë. Mundesh poashtu me i shtu akullore për me kriju kontrast, por nuk e ke t’domosdoshme. Edhe sheqer pluhur ose kakao sipër për dekor shkon me këtë ambëlsinë.
Mos harro me ja bashkangjitë vehtes e kujtdo që ja servon lava cake-un nga nji filxhan kafe!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
