Ekonomistja sot pas pesë vitesh dedikimi ndaj serrave diellore nuk është penduar për zgjedhjen e saj.
Në një intervistë për Top Channel, Manjola Islami ka shpjeguar rrugëtimin e saj nga nje ekonomiste bankiere në një fermere e lumtur.
‘’Me profesion jam ekonomiste. Kam punuar për një periudhë gati 10 vjeçare në bankë dhe duke qenë se bashkëshortit i duhej mbështetje në biznes, unë lash profesionin tim dhe u vendosa me bashkëshortin në këtë punë’’, tregon ajo se pse zgjodhi këtë punë.
Mundesh me e lexu edhe…
‘’Është shumë e vështirë të lësh punën që ka qenë zgjedhje e parë, por për nevoja familjare e pashë të arsyeshme. Gjithsesi, pas 5 vitesh që po merrem me lulet nuk jam aspak e zhgënjyer,’’ shton ajo.
Për të qenë me profesioniste në punën e re që Manjola vendosi të bëjë dhe një master për fito-farmaci dhe mbrojtje kimike të bimëve.
‘’Për të menaxhuar biznesin tënd është shumë herë më e vështirë për përfitim dhe e pashë të arsyeshme të vazhdoja një master për fito- farmaci dhe mbrojtje kimike të bimëve. Tani jemi të kënaqur si biznes.’’
Suksesin e saj duke e nisur çdo gjë nga hiçi e sjell si shembull për ata që ikin, duke u thënë se duhet të mundohen më shumë për të qëndruar e punuar në Shqipëri. /Katror.info
Përgatiti:
