Ministri i Mbrojtjes, Ejup Maqedonci ka takuar sot gjeneralin amerikan Chris A. McKinney, ndërsa theksoi se Shtetet e Bashkuara të Amerikës si mik i yni dhe partner strategjik janë element i rëndësishëm për zhvillimin e mëtutjeshëm të Kosovës drejt anëtarësimit në NATO, por dhe ruajtjen e paqes dhe stabilitetit në Ballkanit Perëndimor.
Maqedonci në një postim në Facebook shkruan se me gjeneralin amerikan dhe me të ngarkuaren me punë në Ambasadën e ShBA në Kosovë, Annu Prattipati, diskutuan për gjendjen e sigurisë në vend.
”Me gjeneral brigade Chris A. McKinney, Zëvendësdrejtor i Partneritetit, Bashkëpunimit të Sigurisë dhe Armëve të Shkatërrimit në Masë të Komandës Evropiane të Shteteve të Bashkuara të Amerikës (USEUCOM) që sot kisha nderin ta pres në takim së bashku me të ngarkuarën me punë në Ambasadën e ShBA në Kosovë, Annu Prattipati, diskutuam për gjendjen e sigurisë në vend, ndërsa e njoftova për të arriturat e deritanishme të FSK-së, si dhe fokusin e zhvillimit për vitet në vijim, rritjen e kapaciteteve ushtarake përmes blerjeve shtet më shtet, ku partner strategjik shohim ShBA-të, dhe veçanërisht zhvillimin e industrisë së mbrojtjes”, ka shkruar Maqedonci.
Mundesh me e lexu edhe…
Ai shtoi se falenderoi gjeneralin Kinney për mbështetjen e vazhdueshme në fusha të ndryshme, si trajnime e projekte.
”Duke vlerësuar lartë bashkëpunimin e deritanishëm mes FSK-së dhe Komandës Evropiane të Ushtrisë Amerikane, gjeneralit Kinney i shpreha falenderimin tim për mbështetjen e vazhdueshme, si në fushën e trajnimeve, po ashtu në projekte të ndryshme infrastrukturore, ndërsa të dy u dakorduam për intensifikim të bashkëpunimit dhe konkretizim të projekteve, të cilat kanë për qëllim zhvillimin profesional dhe taktik të FSK-së”, ka thënë ai. /Katror.info
Përgatiti:
