Faruk Neziri disa herë ka fituar çmime prestigjioze në Itali. Në prill të vitit 2013 ai është zgjedhur kuzhinieri më i mirë në Itali, në kategorinë e përgatitjes së ushqimeve nga peshku dhe frutat e detit.
Kuzhinieri nga Gostivari, zanatin e ka mësuar në Romë, tek një profesor i cili tani është shef i kuzhinës në Zyrën e Deputetëve (organ i dytë pas Senatit), për ta avancuar në restorantin “La Filanda” në qytezën e vogël Asola, në provincën e Montovës
Së fundmi Faruk Neziri, është kuzhinieri i parë shqiptar i cili është pretendent për titullin e madh “Michelin Star”. Gatimin ai e shikon si një formë arti dhe nuk del kurrë jashtë këtyre kornizave.
Mundesh me e lexu edhe…
E veçanta e shefit në gatime është fakti që në çdo pjatë vendos firmën e tij me ingredientë të ndryshëm.
Faruk Neziri tregoi se media dhe rrjetet sociale bëjnë punën e saj në marketing.
Për shkak të imazhit të përhapur në mbarë Italinë, në restorantin ku punon tani Neziri, rregullisht frekuentojnë figura të njohura të politikës, biznesit, estradës, kulturës dhe artit italian.
Pas një karriere të suksesshme shumëvjeçare, i nxitur nga miqtë e tij, Neziri ka vendosur të botojë një libër për specialitete të kuzhinës, që është bë mjaft i popullarizuar në Itali dhe vende tjera të BE-së.
Pas Rene Rexhepit, mendohet se Faruk Neziri është kuzhinieri më i njohur shqiptar në Evropë.
Por si reagon Shefi kur i duhet i gjithë stafi në punë por njëri prej tyre i kërkon leje?
Neziri u shpreh se një drejtues i mirë ja transmeton dashurinë për punën edhe stafit dhe këtë problem e ka zgjidhur prej kohësh.
Sa i takon trajnimeve, shefi tregoi se “mësimet” e para i ka marrë në fëmijëri.
“Te tenxheret e nënës jam trajnuar që fëmijë. Ne kemi traditë gatimi, dhe interesi që unë tregova me bëri të zhvillohem. Edhe pse ndryshojnë dhe evoluohen kuzhinat, here pas here i rikthehem tenxheres së parë të nënës”, tregoi ai.
Cilat janë fuqia dhe dobësitë e Shefit?
“Fuqia është entuziazmi dhe vullneti. Përsa i përket dobësive, largohem nga njerëzit negativë se më marrin energjinë”, u shpreh ai.
Sipas tij, si e përkufizon fillozofinë në një fjalë?
“Filozofia e gatimit tim permblidhet me një fjalë: art. Asgjë nuk del jashtë konceptit të artit”, u shpreh ai.
Për të qenë sa më pranë të shëndetshmes, restoranti ka edhe baçen e tij, nga ku merren të gjitha produktet që përdoren në receta. Ato janë të gjitha bio dhe pa asnjë shtresë kimikati.
Në përfundim, shefi tregoi se po punon për një pjatë që nuk është bërë asnjëherë në botë./Katror.info
Përgatiti:
