Dukesha e Sussex-it, Meghan, ka njoftuar për një program të ri në Netflix, e cila përshkruhet si një shfaqje lifestyle që përfshin ‘këshilla praktike dhe biseda të sinqerta’.
‘With Love, Meghan’ ka premierën më 15 janar dhe përfshin tetë episode 30 minutëshe, me pjesëmarrje të njohura si aktorja Mindy Kaling dhe ish-ylli i ‘Suits’ Abigail Spencer.
Në trailerin e publikuar të enjten, Meghan tregon sesi dekoron një tortë me mjedra dhe korr mjaltë në Kaliforni, ku jeton me burrin e saj, princin Harry, dhe dy fëmijët e tyre. Ajo ka postuar trailerin në llogarinë e saj të re në Instagram, duke shkruar: “Kam qenë shumë e emocionuar të ndaj këtë me ju! Shpresoj që të dashuroni shfaqjen ashtu siç e desha unë gjatë krijimit të saj.”
Mundesh me e lexu edhe…
Ky njoftim vjen një ditë pas rikthimit të dukeshës në rrjetin social Instagram.
Postimi i saj i parë tregon atë të veshur me të bardha, duke vrapuar në një plazh me re, dhe shkruan numrin 2025 në rërë, përpara se të kalojë përpara kamerës duke qeshur. Postimi i dytë ndan trailerin e shfaqjes së saj të ardhshme.
Në trailer, Meghan shihet duke përgatitur ushqim në kuzhinën e shtëpisë, duke blerë lule dhe duke qeshur dhe ngrënë me miqtë. Ajo thotë në narracionin e trailerit: “Do të ndaj disa këshilla dhe truke… dhe se si t’i përfshini këto praktika çdo ditë. Nuk jemi në kërkim të përsosmërisë, jemi në kërkim të gëzimit.”
Në një skenë me të tjerë, Kaling thotë: “Ky është ndoshta një nga momentet më të bukura të jetës sime,” duke e bërë Meghan të shpërthejë në të qeshura.
Pjesëmarrës të tjerë janë kuzhinierët Roy Choi dhe Alice Waters. Në trailer, shfaqen edhe Princi Harry dhe një nga qenët e çiftit, Guy.
Meghan dhe Princi Harry u martuan në 2018 dhe u tërhoqën nga detyrat e tyre mbretërore në 2020, duke u shpërngulur në Kaliforni.
Ata themeluan një kompani prodhimi dhe një fondacion bamirësie, dhe kanë angazhime të tjera si një shfaqje tjetër në Netflix, ‘Harry & Meghan’. /Katror.info
Përgatiti:
