Muffins-at janë nji prej ambëlsinave ma praktike që ekzistojnë. Mundesh me i përgatitë lehtë e me pak harxh, nuk marrin shumë kohë dhe mundesh me ba kombinime t’ndryshme. Plus, nji e mirë tjetër asht që me këto ambëlsina nuk ke nevojë me ba enë t’palame, sepse, letra ku qëndrojnë e krynë këtë funksion. E besa edhe fëmijët çmenden për to.
Receta e muffins me mjedra asht idealja për ty që i ke merak ambëlsinat, por edhe mjedrat. Krejt çka t’duhet për me i përgatitë muffins-at me mjedra e plot shije janë: 25 minuta kohë, disa përbërës dhe natyrisht, me i ndjekë 4 hapat tonë.
PËRBËRËSIT:
280 g miell
½ filxhan sheqer pluhun
½ filxhan sheqer i kafët
1 lugë gjelle pluhur pjekjeje
½ lugë çaji kripë
2 vezë (në temperaturë ambienti)
¾ filxhan qumësht (në temperaturën e dhomës)
¼ filxhan vaj vegjetal
60 gr gjalpë (e shkrirë)
½ lugë çaji ekstrakt vanilje
1 lugë çaji lëvore limoni
1 ½ filxhan mjedra
Mundesh me e lexu edhe…
HAPI 1:
Nxeje furrën n’180ºC. N’ndërkohë shto përbërësit e langshëm (vezët, gjalpin, qumështin e ekstraktin e vanillës) n’nji enë e përziji mirë.
HAPI 2:
N’nji enë t’thellë tjetër përzieje miellin, pluhunin për pjekje dhe kripën. Shto sheqerin pluhun dhe t’kafët e përzije masën e thatë. Gradualisht fillo e shtoje masën e langshme n’enën me përbërësit e thatë, përzije masën mirë dhe sigurohu mos me t’mbetë kokrra mielli n’masë.
HAPI 3:
Masës t’përzime shtoja lëvoret e grimëcume t’limonit e mjedrat. Mundesh me përdorë mjedra qoftë t’freskëta, qoftë t’ngrira. Megjithatë, sigurohu mos me i përzi shumë mjedrrat me brum, që mos me u copëtu,
HAPI 4:
Vendos letra për muffins n’tepsinë me kallëp për 12 copë dhe mbushi kallëpët deri n’2/3 e letrës. Vendosi n’furrën që paraprakisht e ke nxe dhe pjeki për 25 minuta n’180ºC. Largoji muffins prej furrës, leji me u ftohë për 20 minuta e servo.
REZULTATI:
Vehtën e t’rrituni shërbeji me nga nji muffins e nji kafe, kurse fëmijët shërbeji me nji muffins t’shoqnum me nji gotë qumësht ose kakao. E poashtu, këto muffins mundesh me i marrë me vehte n’punë, ose me ua paketu picimulëve për shkollë. Shijo! /katror.info/
Mos e le pa i provu edhe muffins me boronica, t’cilat poashtu jemi t’bindun që kanë me t’pëlqy shumë. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
