Deri më 20 korrik 2025, institucionet arsimore, kërkimore dhe organizatat profesionale në Kosovë mund të aplikojnë për të qenë nikoqire të një eksperti amerikan përmes programit Fulbright Specialist, i cili ofron mundësi bashkëpunimi 2 deri në 6-javor me profesionistë të shquar nga Shtetet e Bashkuara.
Ky program është pjesë e Fulbright U.S. Scholar Program dhe mbështetet nga Departamenti i Shtetit i SHBA-së në bashkëpunim me Qeverinë e Kosovës, përmes Ambasadës së SHBA-së në Prishtinë dhe USKEB.
Projekti i propozuar nga institucionet aplikante duhet të zhvillohet në periudhën ndërmjet 1 tetorit 2025 dhe 30 shtatorit 2026, dhe të përfshijë aktivitete konkrete si zhvillimi i kurikulës, ligjërata publike, punëtori trajnimi, ose këshillim profesional në fusha të ndryshme si arsimi, inovacioni, mjedisi, administrata publike, shëndetësia, media dhe teknologjia.
Mundesh me e lexu edhe…
Afati për aplikim është deri më 20 korrik 2025, ora 16:00, sipas kohës lokale në Kosovë.
Aplikimi bëhet përmes platformës online të World Learning:
👉 https://fulbrightspecialist.worldlearning.org
Për më shumë informacione, vizitoni:
👉 https://xk.usembassy.gov/fulbright_specialist/
Për pyetje apo ndihmë, mund të kontaktoni në:
📧 [email protected]
Programi Fulbright Specialist synon të mbështesë zhvillimin e kapaciteteve lokale dhe të forcojë lidhjet akademike dhe institucionale ndërmjet SHBA-së dhe Kosovës.
