Melissa Valliant, drejtoreshë e komunikimeve në Beyond Plastics, gjithmonë mban me vete një set enësh të ripërdorshëme kur del për të ngrënë jashtë, duke refuzuar plastikat e disponueshme, të cilat janë pjesë e krizës së ndotjes plastike dhe ndryshimeve klimatike, shkruan CNN, transmeton Katror.info.
Plastika është e lidhur me prodhimin e gazrave që ngrohin planetin, duke shkaktuar emetime të dëmshme si dioksidi i karbonit dhe metani.
Pjatat njëpërdorimshme, të tilla si ato nga polistireni, janë të prodhuara nga nafta dhe shkaktojnë ndotje të ajrit dhe ujit.
Mundesh me e lexu edhe…
Prodhimi i plastikës ngroh planetin katër herë më shpejt se udhëtimet ajrore dhe ndihmon në ndotjen e mjedisit, sidomos në komunitete me të ardhura të ulëta dhe ato me shumicë të popullsisë së ngjyrë.
Gjithashtu, përpunimi i naftës kërkon energji të madhe, duke ndikuar negativisht në burimet natyrore si uji.
Çdo vit në Shtetet e Bashkuara përdoren rreth 36 deri 40 miliardë enë plastike, dhe vetëm 9% e tyre riciklohet. Kjo ka si pasojë grumbullimin e plastikës në deponi dhe ndotjen me mikroplastikë, që mund të ndotin ujërat dhe ajrin. Për të zvogëluar këtë ndikim, mund të përdoren opsione të ripërdorshme si bambu ose metal, që kanë një ndikim më të vogël në mjedis dhe përdorin më pak energji dhe ujë për t’u prodhuar.
Ndryshimi i zakonit të përdorimit të plastikës mund të ketë ndikim të rëndësishëm, nëse bëhet në masë dhe mbështetet nga politika për të reduktuar përdorimin e plastikës. /Katror.info
Përgatiti:
