Zyra e kompanisë është në katin e 29-të dhe kushdo që ka nevojë për një pushim cigaresh duhet të shkojë në bodrum. Pushimet zakonisht zgjasin 15 minuta, gjë që çoi në pakënaqësi midis punonjësve që nuk pinë duhan.
Pasi dëgjoi në lidhje me ankesën, CEO i kompanisë, Takao Asuka, vendosi të japë gjashtë ditë pushime shtesë me pagesë për punonjësit që nuk pinë duhan si kompensim.
Piala Inc u ofron joduhanpirësve ditë pushimi shtesë.
Një kompani në Japoni po u jep punonjësve që nuk pinë duhan gjashtë ditë pushim shtesë për të kompensuar pushimet e duhanpirësve. Firma e marketingut me bazë në Tokio, Piala Inc, prezantoi politikën pasi një punonjës u ankua për pushimet e cigareve që ndikonin në produktivitet, sipas CNBC.
Mundesh me e lexu edhe…
“Një nga stafi ynë jo-duhanpirës vendosi një mesazh në kutinë e sugjerimeve të kompanisë në fillim të vitit duke thënë se pushimet e pirjes së duhanit po shkaktonin probleme,” tha Hirotaka Matsushima, një zëdhënës i Piala Inc, sipas CNBC. “Drejtori ynë e pa komentin dhe ra dakord, kështu që ne po u japim joduhanpirësve disa kohë shtesë për të kompensuar.”
“Shpresoj të inkurajoj punonjësit që të lënë duhanin përmes stimujve dhe jo dënimeve apo detyrimeve,” tha zoti Asuka për Kyodo News.
Një numër në rritje i kompanive në Japoni po shtojnë përpjekjet për të frenuar duhanin, ku shumica e bareve dhe restoranteve lejojnë klientët të pinë duhan. Vitin e kaluar, qeveria e qytetit të Tokios miratoi gjithashtu rregulla të rrepta kundër duhanit përpara Olimpiadës 2020. /Katror.info
Përgatiti:
