Kërkesa për makina të përballueshme të prodhimit kinez është rritur aq shumë vitet e fundit sa që aktualisht mungesa e anijeve të specializuara për eksportin e tyre është e vetmja pengesë për të përmbytur plotësisht tregun global dhe atë evropian, shkruan NYT.
Gjegjësisht, problemi më i madh me të cilin po ballafaqohen prodhuesit kinezë të makinave është fakti se prodhimi i automjeteve po shkon pakrahasueshëm më shpejt se prodhimi i anijeve që u nevojiten për t’i plasuar automjetet në tregun global.
Shteti dhe qeveritë lokale u japin prodhuesve kinezë të makinave tokë falas për fabrikat dhe kredi pa interes për të filluar një biznes, dhe duke qenë se çeliku dhe elektronika, përbërësit kryesorë të çdo makine moderne, janë jashtëzakonisht të lira në Kinë, prodhuesit e tyre kanë një avantazh të konsiderueshëm mbi konkurrencën.
Mundesh me e lexu edhe…
Interesant është fakti se konsumatorët kinezë preferojnë makinat elektrike, për këtë arsye miliona automjete “benzinë” mbeten pa pronarë vendas dhe kompanitë, për të kompensuar koston e prodhimit, i vendosin këto makina në tregun botëror me çmime thuajse qesharake.
– Pse iu drejtuan eksportit? Sepse përndryshe ata do të detyroheshin të mbyllnin të gjithë fabrikën – shpjegoi për stafin editorial të NYT Bill Russo, një konsulent në firmën e Shangait Automobility.
Kështu, industria e tyre e automjeteve katërfishoi eksportin e makinave në vetëm tre vjet, duke rrëzuar nga froni Japoninë, e cila deri më tani njihej si lider botëror në atë fushë. Makinat kineze tashmë janë mbizotëruese në Rusi, veçanërisht që nga fillimi i agresionit kundër Ukrainës, sepse automjetet mund të dërgohen edhe nga toka, pra me tren. Por pak nga pak ato po marrin kryesimin edhe në tregjet e Azisë Juglindore, Australisë, Amerikës së Jugut dhe Meksikës.
Tarifat e administratës së Donald Trump ua vështirësojnë depërtimin në tregun amerikan dhe planifikojnë të depërtojnë në tregun evropian, fillimisht përmes “syrit të gjilpërës”, përmes Belgjikës dhe Spanjës dhe më pas nga dera e madhe dhe atë në tre vjet, aq sa do t’u duhet të rrisin sasinë e anijeve të specializuara për të eksportuar makina.
Brigjet e lumit Yangtze kanë filluar të zbukurohen me hapësira të mëdha kantieresh të reja detare, ku punëtorët punojnë pa u lodhur ditë e natë, me ndërrime 12-orëshe, për të dorëzuar sa më shpejt anijet e specializuara. Llogaritja është e qartë; çmimi ditor i qirasë së kësaj lloj anijeje në vetëm dy vjet, për shkak të kërkesës së lartë, u rrit nga 16.000 dollarë në 105.000 dollarë, prandaj një numër në rritje i kompanive duan të investojnë në anijet e tyre. Sigurisht që i duan sa më shpejt.
Kina do të dominojë Autoshow të këtij viti në Mynih. Atje përfaqësimi i kompanive kineze është edhe dy herë më i lartë krahasuar me vetëm dy vite më parë. Makinat e prodhimit kinez, veçanërisht ato elektrike, janë risia më e pritur e shfaqjes së këtij viti, e krahasueshme vetëm me versionin e ri të Tesla Model 3 të Elon Musk. BYD, prodhuesi më i madh i makinave elektrike në Kinë, po përgatit deri në gjashtë modele të reja për Mynihun.
– Kina tashmë dominon tregun evropian aq shumë sa që në vetëm pak vite mund të ndryshojë në mënyrë të pakthyeshme fytyrën e gjithë industrisë – shpjegoi Sigrid de Vries, lobiste evropiane e shoqatës ACEA, për Politico, e cila paralajmëroi se pas gjithçkaje qëndrojnë “institucionet shtetërore. dhe një interes të qartë strategjik të Pekinit”./Katror.info
Përgatiti:
