Kryeministri Albin Kurti sot ka pritur në takim shefin e Zyrës së Bashkimit Europian në Kosovë, Aivo Orav.
Në takim, sipas Zyrës së Kryeministrit, u diskutua rreth zhvillimeve të fundit në vend, rajon dhe Evropë.
“Pjesë e diskutimit ishin edhe të gjeturat e raportit të misionit të vëzhguesve të BE-së, që kanë evidentuar ndërhyrjen e Serbisë në zgjedhjet e fundit të mbajtura në Kosovë. U theksua se ndërhyrje të këtilla në zgjedhje dhe shpërndarja e dezinformatave përbëjnë kërcënime ndaj demokracisë” – thuhet në komunikatën e Zyrës së Kryeministrit.
Mundesh me e lexu edhe…
Gjithashtu, sipas njoftimit, me ambasadorin Orav kryeministri Kurti bisedoi dhe rreth fuqizimit të bashkëpunimit mes Kosovës dhe Bashkimit Europian.
Në Kosovë zgjedhjet parlamentare janë mbajtur më 09.02.2025. Numërimi i votave nuk ka përfunduar ende.
Sipas rezultateve ende preliminare të publikuara nga KQZ, Lëvizja Vetëvendosje ka fituar 40.9% apo 345,760 vota, PDK 22.04% apo 186,302 vota, LDK 17.64 apo 149,095 vota, koalicioni AAK-Nisma 7.46% apo 63,035 vota.
Këto rezultate nuk përfshijnë votat e diasporës, ato me kusht dhe të personave me nevoja të veçanta. /Katror.info
Përgatiti:
