Presidentja Vjosa Osmani, gjatë qëndrimit në Riad është takuar me Presidentin e Bullgarisë, Rumen Radev.
Osmani ka bërë të ditur se ka diskutuar me presidentin bullgar për çështjen e masave të Bashkimit Evropian ndaj Kosovës dhe avancimin e statusit të vendit kandidat për anëtarësim në BE.
Radevin e ka cilësuar mik të Kosovës dhe mbështetës të aspiratave euroatlantike.
Mundesh me e lexu edhe…
Liderët u takuan në Riad. Osmani po qëndron atje me ftesë të princit të Kurorës së Arabisë Saudite, Muhamed bin Salman dhe do të marrë pjesë në forumin për investime dhe inovacion “Future Investment Initiative”.
“Në takimin tonë në Riad, në qendër të bisedës ishin largimi i masave të padrejta ndaj Kosovës dhe avancimi i aplikacionit për statusin e vendit kandidat në Bashkimin Evropian, si pjesë e përpjekjeve tona të përbashkëta për të forcuar stabilitetin rajonal dhe për të thelluar bashkëpunimin ndërmjet vendeve tona në kuadër të partneritetit evropian dhe euroatlantik”, ka shkruar Osmani në Facebook.
Kosova po përballet me masa nga BE-ja për shkak të, siç është thënë, tensioneve të para disa vitesh në veri. E Kosova po ashtu është i vetmi vend evropian që ka aplikuar për anëtarësim në BE dhe ende nuk e ka statusin e kandidatit./EO/Katror.info
