Kreu i Meta-s, Mark Zuckerberg, po realizon ndryshime të mëdha në platformat e rrjeteve sociale, të cilat janë në linjë me kërkesat e presidentit të zgjedhur, Donald Trump, dhe mbështetësve të tij.
Po largohen ‘kontrolluesit e fakteve’, që janë të kritikuar nga konservatorët, në vend të tyre, po vendosen rregulla më të lehta për shpërndarjen e mendimeve konservatore.
Në njoftimin e tij, Zuckerberg tha se zgjedhjet e fundit ‘duken si një moment kulmor kulturor për t’i dhënë përsëri përparësi lirisë së fjalës,’ duke justifikuar rregullat e reja më të lehta për moderimin e përmbajtjes në Facebook, Instagram dhe Threads.
Mundesh me e lexu edhe…
“Qeveritë dhe mediat tradicionale kanë shtyrë për censurimin gjithnjë e më shumë,” tha Zuckerberg, duke përsëritur një argument të përdorur nga e djathta për të minuar verifikimin e fakteve.
Pasi Meta është një forcë kaq dominuese në industrinë e teknologjisë, me miliarda përdorues në platformat e saj në mbarë botën, këto ndryshime do të ndikojnë akoma më shumë, duke e formësuar internetin në mënyra që përputhen me mendimet e MAGA-s (MAGA është shkurtesa për frazën ‘Make America Great Again’ që do të thotë, e përdorur nga Trump në fushatën e vitit 2016 për president të SHBA-së), shkruan CNN, përcjell Katror.info.
Shefi i politikës së promovuar rishtazi i kompanisë, Joel Kaplan, ish-këshilltar i lartë i George W. Bush, u ul me gazetarët e ‘Fox’ dhe u pajtua plotësisht me kornizën e shfaqjes për ‘censurimin kundrejt lirisë’.
Paraqitja e Kaplan ishte një shenjë e fundit që Meta po përshtat politikat e saj para mandatit të dytë të Trump-it në detyrë. Trump dhe disa aleatë të tij kanë kritikuar ashpër Zuckerberg dhe Facebook-in në të kaluarën. Trump ka akuzuar Zuckerberg për ndërhyrje në zgjedhje dhe e ka kërcënuar me burgim.
Meta ka gjithashtu shumë çështje ligjore përpara qeverisë amerikane, përfshirë një çështje antitrust nga Komisioni Federal i Tregtisë, që pritet të shkojë në gjyq në prill. Meta duket se po përpiqet të tërheqë administratën e ardhshme.
Zuckerberg tha se kompania do të heqë shumë kufizime mbi temat si emigracioni dhe gjinia, duke i konsideruar ato si të papajtueshme me diskursin e zakonshëm. Kompania do të ndërpresë gjithashtu partneritetet me grupet e verifikimit të fakteve dhe do të kalojë në një sistem të ngjashëm X, të quajtur ‘shënimet e komunitetit’ .
Meta do të jetë më e lehtë në kontrollin e përmbajtjes
Kaplan shkroi në një postim në blog se Meta dëshiron të ‘rregullojë përpjekjet e tepruara’ që kanë bërë rregullat shumë të rrepta dhe të drejtuara nga mbikëqyrja e tepruar.
Konservatorët përshëndetën menjëherë ndryshimet e Meta-s, ndërsa ekspertët e dezinformatave paralajmëruan se platformat e Meta-s do të bëhen më shumë një ‘mjedis i dëmshëm’ për përmbajtje të rreme dhe urrejtëse.
Këto ndryshime mund të shkaktojnë largime nga puna në disa media
Sipas gazetarit Jane Lytvynenko, Facebook dhe Google janë ‘financierët kryesorë të grupeve të verifikimit të fakteve’ dhe disa media varen nga ky financim për mbijetesë.
Zuckerberg tha se Meta po ‘kthen përmbajtjen qytetare’ dhe do të modifikojë algoritmet e saj për të shfaqur më shumë postime mbi zgjedhjet, politikën dhe çështjet sociale. Ai shtoi se ndjekësit po kërkojnë të shohin më shumë përmbajtje politike.
Kaplan tha se kompania do të përdorë një qasje më ‘personale’ për të siguruar që ata që duan përmbajtje politike të mund ta shohin në ‘rrjedhën e përmbajtjes,’ /Katror.info
Përgatiti:
