Një vepër e nënshkruar nga artisti Bob Ross për episodin e parë të shfaqjes së tij të njohur “Gëzimi i Pikturës” është shitur për më shumë se 9.8 milionë dollarë.
Piktura 24″x18″ me vaj në kanavacë e titulluar “A Walk in the Woods” u krijua në 1983 në fillim të karrierës televizive të artistit dhe po shitet nga Modern Artifact Gallery në Minneapolis, Minesota, SHBA, përcjell abcnews.al.
Piktura përshkruhet nga Modern Artifact si “piktura origjinale më e rëndësishme historike e Bob Ross e krijuar ndonjëherë“.
Mundesh me e lexu edhe…
“Unë mendoj se secili prej nesh në një moment të jetës sonë ka dashur të pikturojë një foto,” tha Bob Ross në fillim të episodit. “Mendoj se brenda secilit prej nesh fshihet një artist. Këtu do të mundohemi t’ju tregojmë se si ta nxjerrim në pah këtë artist”, theksoi ai.
Ross, i cili zhvilloi një interes për pikturën pasi mori një klasë arti gjatë karrierës së tij 20-vjeçare në Forcën Ajrore të SHBA-së, vdiq në vitin 1995 në moshën 52-vjeçare.
Shfaqja edukative e pikturës, e cila u transmetua në SHBA nga viti 1983 deri në 1994, ishte aq e dashur saqë fitoi popullaritet të gjerë pas vdekjes së tij, me ndihmën e internetit.
“Është jashtëzakonisht e rrallë të gjesh vepra nga episodet e Bob Ross dhe kjo është një mundësi unike për të zotëruar të parën”, thuhet në përshkrimin e galerisë. “Megjithëse pikturat e Bob Ross janë bërë shumë të kërkuara nga koleksionistët, tregu është ende në zhvillim,” tha ai.
Modern Artifact Gallery blen dhe shet disa nga artet, antike dhe relikeve më të kërkuara në botë./Katror.info
Përgatiti:
