Policia e Kosovës ka apeluar tek qytetarët për kujdes të shtuar ndaj mashtrimeve që po ndodhin përmes mesazheve telefonike (SMS).
Sipas njoftimit të fundit, Policia e Kosovës ka vërejtur një rritje të rasteve të mashtrimeve ku qytetarët pranojnë mesazhe që përmbajnë vegëza (link-e) të dyshimta. Duke klikuar në këto vegëza, mashtruesit mund të fitojnë qasje në llogaritë bankare të qytetarëve dhe mund të merrnin informacione të tjera personale. Kjo mund të çojë në vjedhje të fondeve nga llogaritë bankare të qytetarëve.
“Jemi duke vërejtur një rritje të ankesave të qytetarëve për raste të mashtrimeve përmes mesazheve telefonike (SMS), ku qytetarët pranojnë mesazhe që përmbajnë Link-e të dyshimta dhe duke klikuar në këto linke, mashtruesit mund të fitojnë casje në llogaritë bankare të qytetarëve ose të dhëna tjera personale me c’rast nga llogarit bankare në mënyrë të paligjshme të dyshuarit përfitojnë të holla”, thuhet në njoftim.
Mundesh me e lexu edhe…
Për të mbrojtur qytetarët nga këto mashtrime, Policia e Kosovës apelon që qytetarët të marrin parasysh disa këshilla të thjeshta:
- Mos klikoni asnjë link të dyshuar që i pranoni përmes mesazheve (SMS) telefonike.
- 2.Mos jepni të dhënat tuajt personale si fjalëkalime apo informacione bankare përmes faqeve të panjohura.
- Verifikoni çdo mesazh të dyshimtë duke kontaktuar drejtpërdrejt institucionin ose kompaninë që pretendohet se ju ka dërguar mesazhin.
- Raporto Rastin tek Autoritetet përkatëse ose ta banka e juaj (të bllokojnë transferin e të hollave) nëse keni dhënë informacione të ndjeshme.
Në fund, Policia e Kosovës apelon që të kontaktoni menjëherë autoritetet përkatëse policore, në rast se keni dyshime ose keni rënë viktimë e një mashtrimi të tillë. /Katror.info
Përgatiti:
