Posta e Kosovës ka lëshuar një njoftim të rëndësishëm për qytetarët, duke paralajmëruar për një mashtrim të mundshëm që po qarkullon përmes SMS-ve.
Në njoftimin e saj, Posta e Kosovës informon se individë të panjohur po dërgojnë mesazhe qytetarëve duke pretenduar se janë përfaqësues të Postës së Kosovës, me qëllim të mashtrimit dhe vjedhjes së të dhënave personale.
Pasi ka marrë informacionin për këtë çështje, Posta e Kosovës ka njoftuar organet përkatëse dhe ka filluar bashkëpunimin me to për të zbardhur këtë rast. Po ashtu, ajo ka theksuar se komunikimi me qytetarët bëhet vetëm përmes kanaleve të saj zyrtare, si: uebfaqja www.postakosoves.com, faqja në Facebook: Posta e Republikës së Kosovës, Instagram: Posta e Kosovës dhe LinkedIn: Posta e Kosovës.
Mundesh me e lexu edhe…
Përveç kësaj, qytetarët mund të kontaktojnë Postën e Kosovës edhe përmes numrave të saj zyrtarë: 038 221631 dhe 045 851001.
Posta e Kosovës apelon tek qytetarët që të jenë të kujdesshëm dhe të mos klikojnë në asnjë link që vjen përmes këtyre mesazheve, si dhe të mos bashkëpunojnë me numra të paautorizuar.
“Të nderuar qytetarë, ju lutëm mos klikoni asnjë link të dërguar përmes këtyre mesazheve dhe të mos bashkëpunoni me numra që nuk janë të Postës së Kosovës. Në asnjë rast, Posta e Kosovës nuk do t’ju kërkojë të dhëna personale apo numër kartele bankare. Edhe posta të tjera në rajon janë sulmuar nga keqbërës të ngjashëm”, thuhet në njoftim.
Posta e Kosovës thekson se është e angazhuar për të mbrojtur qytetarët dhe për të bashkëpunuar me organet përkatëse në këtë çështje, si dhe për të parandaluar mashtrimet e mundshme.
Posta e Kosovës njofton se po punon për mbrojtjen e qyetarëve nga këtë mashtrime, dhe për të parandaluar mashtrimet e mundshme, duke bashkëpunuar ngushtësisht me organet kompetente për trajtimin e këtij problemi./Katror.info
Përgatiti:
