Presidentja e Republikës së Kosovës, Vjosa Osmani, ka ftuar për nesër, më 4 qershor 2025, një takim me përfaqësuesit e subjekteve politike në vend. Qëllimi i këtij takimi është konsultimi për caktimin e datës së zgjedhjeve lokale.
Lajmi është konfirmuar nga Bekim Kupina, këshilltar për media i presidentes, i cili për Klankosova.tv ka bërë të ditur se ftesa është bërë në përputhje me kompetencat kushtetuese të Presidentes.
“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, deklaroi Kupina.
Mundesh me e lexu edhe…
Zgjedhjet lokale mbahen çdo katër vjet në Kosovë dhe përfshijnë zgjedhjen e kryetarëve dhe asambleve komunale në të gjitha komunat e vendit./Katror.info
