Princi William ka shokuar kalimtarët teksa u shfaq në një kamion ushqimor në Londër, për të shpërndarë hamburgerë vegjetarianë.
Trashëgimtari i fronit britanik u bashkua me kanalin Youtube Sorted Food për të krijuar hamburgerë pa mish, i cili u bë duke përdorur risitë mjedisore të fituesve të çmimit “Earthshot 2022”.
Në një video të ngarkuar në kanal të dielën, ekipi i Sorted Food u shfaq duke përgatitur hamburgerët duke përdorur artikuj Earthshot të dorëzuara atyre nga Princi ëilliam, përpara se të niseshin për t’i shërbyer atyre nga një kamion ushqimor.
Mundesh me e lexu edhe…
Kur një anëtar i ekipit i kërkoi “kuzhinierit” katër hamburgerë Earthshot, Princi William u kthye, duke iu shfaqur para klientëve.
“Nga të gjitha gjërat që prisja, nuk ishte kjo që e prisja”, tha një grua në video, duke pyetur më vonë të tjerët: “Çfarë ndodhi?”
“Trurit tim iu deshën tre sekonda për të procesuar. A po ëndërroj? A kam fjetur mjaftueshëm?”, tha një tjetër, shkruan CNN.
William u tha klientëve se Earthshot Prize, një projekt 10-vjeçar të cilin ai e themeloi në vitin 2020 , synon “riparimin dhe restaurimin e planetit”.
Çmimi vlerëson ata që ofrojnë zgjidhje mjedisore të menduara përpara në pesë kategori: “Mbrojini dhe rivendosni natyrën”, “Pastroni ajrin tonë”, “Rigjallëroni oqeanet tona”, “Ndërtoni një botë pa mbeturina” dhe “Rigjoni klimën tonë”.
“Të jesh i bashkuar në studion tonë dhe në kamionin e ushqimit nga Princi William ishte një moment i pabesueshëm – duke e dëgjuar atë të shpjegojë se sa i pasionuar është për të ndihmuar planetin dhe atë që po bën Earthshot Prize ishte tepër frymëzuese dhe na ka dhënë tashmë shumë ide për projektet e ardhshme për të punuar me komunitetin tonë”, tha Jamie Spafford, bashkëthemelues i Sorted Food.
Ekipi i Sorted Food i bëri hamburgerët me bazë bimore duke përdorur perime tipike të asaj që do të rritej në serën e Kheyti në kuti.
Inovacioni indian është krijuar për fermerët e vegjël, duke u ofruar të korrave të tyre strehim nga elementë të paparashikueshëm dhe dëmtues shkatërrues, sipas faqes së internetit të tyre.
Ekipi më pas gatuan ushqimin duke përdorur soba të pastra Mukuru, të lansuara nga Charlot Magayi në Kenia në vitin 2017. Kur digjen, ato krijojnë 90% më pak ndotje se sa një zjarr i hapur dhe 70% më pak se një sobë tradicionale gatimi.
Burgerët u shërbyen më pas në kutitë ushqimore Notpla, të cilat janë bërë nga alga deti dhe bimë në vend të plastikës./Katror.info
Përgatiti:
