Edhe ekstrovertët edhe introvertët kanë cilësi të mrekullueshme. Por, sipas hulumtimeve introvertët mund të kenë më shumë përparësi se të tjerët. Në vijim janë katër aftësi shumë të lakmuara që i dallojnë introvertët nga të gjithë të tjerët:
Mendojnë më shumë
Lënda gri, e cila ekziston në shtresën më të jashtme të trurit, shërben për të përpunuar dhe lëshuar informacione të reja në tru. Një studim i Harvardit zbuloi se truri i introvertëve funksionon ndryshe dhe ka lëndë gri më të trashë në krahasim me ekstrovertët. Tek njerëzit që janë shumë ekstrovertë, lënda gri ishte vazhdimisht më e hollë. Introvertët treguan gjithashtu më shumë aktivitet në lobet ballore, ku bëhet analiza dhe mendimi racional.
Mund të fokusohen më gjatë
Kur Albert Einstein – një introvert i njohur – ishte fëmijë, mësuesit e tij mendonin se ai ishte një i vetmuar i qetë që dukej një milion milje larg, i humbur në mendimet e tij. Einsteini tha : “Kjo është se unë qëndroj me probleme më gjatë.” Kjo aftësi për t’u fokusuar intensivisht është një karakteristikë kryesore e introvertëve, të cilët shpesh kanë fokus më të zgjeruar se ekstrovertët. Për shkak se u pëlqen të kalojnë kohë vetëm, introvertët priren të jenë më të gatshëm se ekstrovertët për të kaluar vetëm orët e nevojshme për të zotëruar një aftësi.
Mundesh me e lexu edhe…
Shpesh janë të talentuar në një fushë specifike
Mesatarisht, introvertët dhe ekstrovertët janë të njëjtë për sa i përket inteligjencës. Por statistikat tregojnë se rreth 70 për qind e njerëzve të talentuar janë introvertë.
Njerëzit konsiderohen “të talentuar” kur shfaqin inteligjencë mbi mesataren ose një talent superior për diçka, si muzika, arti ose matematika.
Nëse vendi juaj i punës mbizotërohet nga ekstrovertë që kritikojnë ata që preferojnë të punojnë vetëm – ose anashkalojnë koktejet pas punës – si “jo lojtarë të ekipit”, mund të tjetërsojë pa dashje njerëzit e talentuar.
Bëjnë gjënë e duhur
Introvertët priren të preken më pak nga ngjarjet e jashtme dhe të shtyhen më shumë nga busulla e tyre e brendshme morale, transmeton KosovaPress.
Një studim i vitit 2013 mbi konformitetin social zbuloi se ekstrovertët janë më të gatshëm të shkojnë së bashku me opinionin e shumicës, edhe nëse është i gabuar. Ekstrovertët kanë më shumë gjasa se sa introvertët t’i nënshtrohen presionit shoqëror.
Studiuesit arritën në përfundimin: “Sa më i lartë të jetë presioni, një numër më i madh përgjigjesh konform jepen nga ekstrovertët.” Në të kundërt, “nuk ka asnjë ndryshim në përgjigjet konformuese të dhëna për nivelet e presionit të lartë dhe të ulët nga introvertët”.
Disa këshilla si të mos u bëhet presion introvertëve për tu përshtatur:
Shkurtoni takimet – Shumë introvertë, siç mund ta merrni me mend, nuk janë adhurues të takimeve. Hiqni dorë nga ideja që e gjithë zyra duhet të ftohet në çdo takim, në mënyrë që askush të mos ndihet i lënë anash.
Mos detyroni një lloj të caktuar komunikimi– Introvertët në zyrën tuaj mund të preferojnë e-mailet, ndërsa ekstrovertët mund të kënaqen me trajtimin e biznesit në telefon. Inkurajoni njerëzit të vendosin se si duan të komunikojnë (p.sh. ndezja ose çaktivizimi i kamerës), edhe nëse ajo ndryshon nga e juaja.
Jepni opsionin e privatësisë– Ekstrovertët mund të duan të shohin të gjithë gjatë gjithë kohës, por introvertët priren të kenë nevojë për privatësi. Zgjidhja është një mjedis pune fleksibël që ofron heshtje dhe hapësirë private për introvertët, dhe hapësirë të hapur të gjallë dhe interaktive për ekstrovertë./Katror.info
Përgatiti:
