Përshtatni rutinën tuaj të grimit me sfidat e motit të ftohtë për një fytyrë të përsosur
Është shumë e rëndësishme të përdorim kremin e duhur ushqyes për llojin tuaj të lëkurës. Nëse kremi është mjaftueshëm ushqyes, atëherë mund të përdorni pudrat si zakonisht.
Kushtet e motit janë gjithmonë sfiduese për të mbajtur të paprekur grimin, ndaj çdo stinë kërkon përshtatje të lëkurës së fytyrës.
Mundesh me e lexu edhe…
Ndërsa në verë luftojmë me temperaturat e larta dhe djersitjen, në dimër situata është pikërisht e kundërta – ndryshimet e shpeshta të temperaturës nga ajri i thatë i brendshëm në ajrin e ftohtë dhe të lagësht të jashtëm kanë një ndikim të madh në lëkurën dhe grimin tonë.
Lëkura është më e thatë dhe e qëruar në dimër, kështu që kujdesi i mirë është gjysma e punës, transmeton Telegrafi.
– Kujdesi i mirë gjatë dimrit është thelbësor dhe është shumë e rëndësishme të përdorim kremin e duhur ushqyes për llojin tonë të lëkurës. Nëse kremi është mjaftueshëm ushqyes, atëherë mund të përdorni pudrat siç bëni zakonisht.
Për femrat që pëlqejnë një pamje më natyrale dhe të butë, truk i duhur është përzierja e pudrës së lëngshme dhe kremit ushqyes.
– Në këtë mënyrë, fitojmë një produkt super të ushqyeshëm që barazon ngjyrën e lëkurës, por edhe i jep një shkëlqim të këndshëm fytyrës. Po kështu, pudra mund të përzihet me një primer hidratues dimëror, kështu që lëkura do të qërohet më pak në këto ditë të ftohta.
Përpara se të përdorni produkte hidratuese të fytyrës, nëse lëkura juaj është e krisur dhe është koha për të hequr qelizat e vdekura të lëkurës, mund të bëni eksfolim në shtëpi. Masazhoni butësisht scrub-in e fytyrës me lëvizje rrethore dhe shpëlajeni me ujë të vakët. Në lëkurë të pastër aplikoni menjëherë kremin ushqyes dhe më pas pjesën tjetër të grimit. Pilingun mund të bëni lehtësisht në shtëpi me përbërësit që keni në kuzhinë. Për këtë pastrim, do t’ju duhen dy lugë tërshërë, një lugë kos të thjeshtë grek dhe një lugë gjelle vaj jojoba (ose kokosi). Grini tërshërën, bëjeni pluhur në një mikser dhe përzieni me kos dhe vaj. Nëse jeni duke përdorur kokos, fillimisht shkrijeni atë në gjendje të lëngshme dhe më pas përzieni.
Aplikojeni në fytyrë dhe masazhojeni me lëvizje rrethore për 30 deri në 60 sekonda. Scrub-in mund ta lini në fytyrë për disa minuta si maskë ushqyese, më pas ta shpëlani me ujë të vakët dhe lëkura juaj do të jetë gati për kujdes të mëtejshëm.
Nëse ju ka mbetur ndonjë masë e papërdorur, mund ta ruani në një kapak hermetik dhe ta përdorni të paktën një herë në javë për ta mbajtur lëkurën tuaj të duket e freskët dhe rrezatuese. /Katror.info
Përgatiti:
