Nëse je merakli i perimeve turrshi, sigurisht t’ka ra ose me pa, apo edhe ma mirë, me provu qepë turrshi. Këtë lloj turrshie ka gjasë me e hasë zakonisht n’restorane meksikane, sepse shërbehet shumë dhe shkon me ushqimet e kësaj kuizine.
T’lehta e t’shpejta me u përgatitë, qepët turrshi janë edhe prej turrshive që mundesh me i hangër po t’njejëtën ditë që përgatiten, sepse ju duhen vetëm 8 orë për me u fermentu, ose qysh n’gjuhën popullore i themi: me ardhë. E çka asht edhe nji bonus tjetër – ka shumë pak përbërës.
PËRBËRËSIT PËR NJI TEGËLL T’VOGËL:
1 qepë e madhe e kuqe (e prerë n’rriska t’holla)
240 ml uthull molle t’egër
240 ml ujë t’vluar
1 lugë gjelle kripë
1 lugë gjelle sheqer
1 gjethe dafine
1 lugë gjelle fara biberi t’zi
Mundesh me e lexu edhe…
Rriskat e qepës t’kuqe vendosi n’tegëll xhami. N’nji tenxher vlo ujin, shto uthullën me kripën, sheqerin, gjethen e dafinës, kokrrat e piperit të zi dhe përzije masën deri sa kripa dhe sheqeri t’treten. Këtë masë shtoje sipër tegllës me qepë deri sa e gjithë sasia t’mbulohet me ujin e turrshive. Mbylle tegllën dhe shkunde mirë. Vendose tegllën n’frigorifer dhe prit 8 orë deri sa t’fermentohen qepët.
- Advertisement -
REZULTATI:
Nëse teglla ruhet n’frigorifer, këto qepë turrshi qëndrojnë t’mira për 1 muaj t’plotë. Mirëpo, ne jemi t’bindun që po i përgatite e provove, këto as java nuk i nxen e hahen.
- Advertisement -
Vendos sipër sanduiçave e burgerëve, tortillave e sallatave t’ndryshme apo edhe burritove e shijoji qepët ma t’mira që i ke hangër najherë. Poashtu, nëse veç je n’disponim për turrshi t’tjera, këtu mundesh me gjetë edhe recetën për kastraveca t’djegës turrshi, t’cilët mundesh me i përgatitë po aq lehtë.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
- Advertisement -
