Në të kaluarën, luksi në shtëpi përfaqësohej nga arredimi madhështor, mobiliet me dekore të rënda apo zbukurimet që binin në sy. Por në vitin 2025, një qasje krejt e re po fiton terren: komforti është bërë forma më e dëshiruar e luksit. Kjo lëvizje quhet “cozy luxury” ose “comfort-first lifestyle”, dhe po përqafohet nga njerëz në mbarë botën që kërkojnë qetësi, ngrohtësi dhe thjeshtësi në shtëpitë e tyre.
Pas pandemisë dhe pasigurive globale, shtëpia është kthyer në një strehë të rëndësishme emocionale. Dhe ndryshe nga vitet e shkuara, ku ekspozimi apo përshtypja ndaj të tjerëve kishte prioritet, tani theksi është tek si ndihesh vetë brenda atij ambienti. Të rinjtë investojnë më shumë në dyshekë të butë, drita të ngrohta, tekstile natyrale, aromaterapi dhe elementë personalë që nuk janë për Instagram, por për shpirtin.
Materialet që dominojnë këtë trend janë ato që krijojnë ndjesi ngrohtësie dhe qetësie: leshi i merinos, pambuku organik, dru natyral, lin dhe qeramikë artizanale. Ngjyrat janë të buta dhe të tokëzuara si beige, gri të zbehtë, jeshile ulliri apo nuanca balte. Gjithçka flet për rehati dhe qetësi mendore.
Mundesh me e lexu edhe…
Ky ndryshim vërehet edhe në zgjedhjen e mobilieve, divanë të thellë, dysheme me qilima të butë, karrige për lexim, hapsira për çlodhje e jo për ekspozim. Madje dhe teknologjia është integruar në mënyrë të padukshme: zëra të butë për ndriçimin, zhurma të bardha për gjumin, dhe sisteme që i shërbejnë pushimit, jo zhurmës.
“Rehatia si luks” është përgjigjja moderne ndaj një bote gjithnjë e më stresuese. Nuk është më çështje e sa kushton, por si të bën të ndihesh. Në fund të ditës, shtëpia është vendi ku rigjenerohemi dhe këtë vit, kjo vlen më shumë se kurrë. /Katror.info
Përgatiti:
