Rëndësia e lojës për të rriturit

Jeta e fokusume komplet në punë – pa lojë – din me qenë shumë e mërzitshme.

Pse?

Ne kemi nevojë për pushime dhe aktivitete ‘budallaqe’ për me i rimbush bateritë pas një dite ose jave të gjatë pune! Truri jonë është gjithmonë në lëvizje, edhe kur trupat tanë janë të zhytur fort në një vend, duke punuar në kompjuter.

Për me rifresku energjinë tonë krijuese, për me u ndje ma mirë dhe me i përmirësu marrëdhëniet tona (si me veten ashtu edhe me të tjerët), duhet me marr pak kohë edhe me ju rikthehemi rrënjëve tona: lojës!

Pse të rriturit duhet të luajnë më shumë?

Të jesh i rritur nuk ka të bëjë vetëm me të qenit serioz gjatë gjithë kohës – ne kemi gjithashtu të drejtën dhe nevojën për të luajtur!

Gjithnjë e më shumë studime shkencore po tregojnë se fuqia e lojës është po aq magjike për të rriturit sa është për fëmijët.

Lexo gjashtë arsye të mbështetura nga shkenca pse ti duhesh me dalë me lujt ma shumë:

Më pak stres

Kur ne luajmë lirojmë endorfinë – kimikat që na ndihmon me qëndru të qetë edhe me u ndi të lumtur gjatë ditës.

Të qenit lozonjar rrit ndjenjën tonë të përgjithshme të mirëqenies – fakt i vërtetuar shkencërisht!

Vrapimi për vetëm disa minuta ose kcimi në pëllgje shiu ç’liron mjaftueshëm endorfinë për me ju forcu për pjesën tjetër të ditës.

Marrëdhënie më të mira

Pjesëmarrja në lojëra ose aktivitete argëtuese me miqtë dhe familjen ju afron më shumë. Pos lojës e cila ndërton besim, ndarja e një shakaje ose të qeshurit së bashku gjithashtu çliron oksitocinë -kimikatin që na ndihmon të ndihemi të lidhur me një person tjetër.

Më shumë energji

Loja rikthen vitalitetin tonë, mbështet sistemin tonë imunitar dhe na jep energji për pjesën tjetër të ditës.

Kalimi i kohës jashtë është vërtetu se rrit nivelet e perceptuara të energjisë. Por edhe të luash një lojë brenda mund të jetë më mirë se një filxhan kafe nëse ndihesh i dobët.

Loja rrit kreativitetin

Loja na hap për përvoja të reja, ide të reja dhe për të bërë gjëra thjesht për argëtim. Kur luajmë, nuk shqetësohemi nëse po bëjmë diçka siç duhet ose nëse dukemi budallenj – thjesht shijojmë momentin dhe rrokullisemi me të.

Kjo është fuqia e lojës – ju lejon të ndaloni së qeni një i rritur racional, analitik për pak dhe të jeni vetëm në momentin, duke e lënë mendjen tuaj të endet ku të dojë.

Ndihmon gjumin

Sa më shumë që lëvizim, aq më mirë flemë! Loja aktive na ndihmon të lodhemi dhe na lejon të flemë më mirë gjatë natës, të zgjohemi më pak dhe të kemi një gjumë të thellë më rigjenerues.

Ndihmon gjithashtu që trupat tanë të bien në gjumë në kohën e duhur, sepse nivelet tona të energjisë fillojnë të bien natyrshëm në një kohë më të hershme pasi dalim dhe luajmë jashtë.

Rrit vetëbesimin

Sa herë që kemi sukses në diçka, besimi jonë rritet. Pak nga pak, personi fillon me besu se mund të bëj gjithçka që ka në mendje, duke zhvilluar vetëbesim të pandalshëm dhe qëndrimin që nevojitet për me pas sukses.

Suksesi në një lojë – qoftë edhe një raund Angry Birds – jep një goditje positive të vetëbesimit që i mbështetë përpjekjet tua në të ardhmen në fusha krejtësisht të ndryshme. Nëse është një lojë që kërkon strategji, punë ekipore ose shumë përpjekje, rezultatet do të jenë edhe më të mira.

Mënyra të thjeshta që ti me lujt ma shumë

•             Dil lagu në shi

•             Luftë me top bore

•             Luaj Frisbee (me miqtë/ qenin tuaj)

•             Shko noto

•             Bone një xhiro me biçikletë

•             Shko në bowling

•             Këndo karaoke

•             Luaj mini-golf

•             Provo me pikturu me gisht edhe pretendo se hala I ke 5 vjet

•             Ngjit një pemë (me kujdes)

•             Provo lojë me litar kërcimi

•             Kompleto një puzzle

•             Ndërto diçka me blloqe ose LEGO